თბილისი, 30 ნოემბერი – Sputnik. მოდელ ალექსანდრა პაიჭაძეს კორონავირუსი აქვს. ამის შესახებ პაიჭაძემ „ინსტაგრამის“ პირად გვერდზე რამდენიმე წუთის წინ დაწერა.
View this post on Instagram
მოდელი და ცნობილი „ინფლუენსერი“ წერს, რომ კვირას, დღის მეორე ნახევარში ყნოსვის შეგრძნების დაკარგვით მიხვდა, რომ შესაძლოა კორონავირუსი ჰქონოდა და სწრაფი ანტიგენ-ტესტი გაიკეთა, რაზეც დადებითი პასუხი ერთ საათში მიიღო.
View this post on Instagram
„ოთხშაბათის მერე, ვისთანაც მქონდა კონტაქტი და შეხვედრა, გადაემოწმეთ, თავს მოუფრთხილდით. მთავარია ენერგიულად ვიყო. დღეს დილიდან ვივარჯიშე, სოდიანი წყლის ორთქლით ვისუნთქე, ვიტამინებს ვსვამ, ოთახს ვალაგებ, კომედიური ჟანრის ფილმს ვუყურებ. დიდი არაფერი შეცვლილა, უბრალოდ მიკითხვის მაგივრად, ყველაფერი მომაკითხავს სახლში. დაბადების დღესაც აქ შევხვდები. ვაჰ, არადა მაგარი გეგმები მქონდა“, – დაწერა მოდელმა და სოციალური ქსელის მომხმარებლებს მოუწოდა, სასარგებლო რჩევები მისცენ.
View this post on Instagram
ბევრი წამყვანი რესტორანი, კლუბი თუ ცნობილი მაღაზია ალექსანდრას მიმზიდველობას და პაპულარობას ბრენდის ცნობადობის ასამაღლებლად იყენებს. ახალგაზრდა მოდელი, თავის მხრივ, საკუთარ გვერდს უფრო და უფრო მიმზიდველს ხდის, არა მხოლოდ ფოტოებით, არამედ სურათის აღწერით.
View this post on Instagram
29 წლის მოდელი დიდი პოპულარულობით სარგებლობს. მას ტელეეკრანებიდან იცნობენ. ალექსანდრა რამდენიმე არხზე დილის გადაცემებში სპორტული ილეთებით დატვირთულ ვარჯიშებს ქალბატონებს უზიარებდა. საკუთარ გამოცდილებას სოციალურ ქსელშიც აქვეყნებს. მის ყველა ფოტოს ლოგიკური და საკმაოდ ვრცელი ტექსტები ახლავს მრავალფეროვან თემებზე.