თბილისი, 27 ნოემბერი — Sputnik. შეზღუდვების მიუხედავად „საქართველოს ფოსტა“ მუშაობას შეუფერხებლად გააგრძელებს – შესაძლებელია ვიზიტის ონლაინ დაჯავშნა ან კურიერის მომსახურება, ნათქვამია „საქართველოს ფოსტის“ ვებ-გვერდზე.
ამანათების გადაცემა ადრესატთან კონტაქტის გარეშე მოხდება. ოპერატორი და კურიერი აღჭურვილი არიან შესაბამისი ეკიპირებით.
კურიერის მომსახურების გარდა, „საქართველოს ფოსტა“ კლიენტებს სთავაზობს ვიზიტის დაჯავშნას ონლაინ. ამისათვის საკმარისია კომპანიის ვებ-გვერდზე შესვლა, ფილიალის არჩევა და ვიზიტის დროის დაჯავშნა.
28 ნოემბრიდან 24 დეკემბრამდე საქართველოში მკაცრი შეზღუდვები იმოქმედებს, რომლებიც სტრატეგიულ ობიექტებს და საკურიერო სამსახურებს არ შეეხება.
