თბილისი, 24 ნოემბერი – Sputnik. დაავადებათა კონტროლის ეროვნული ცენტრის ხელმძღვანელმა ამირან გამყრელიძემ თვითიზოლაცია დაასრულა, მას კორონავირუსი არ დაუდასტურდა და სამსახურში დაბრუნდა, იუწყება „პირველი არხი“.
ამირან გამყრელიძე თვითიზოლაციაში 17 ნოემბერს გადავიდა. გავრცელებული ინფორმაციით, მას რამდენიმე კოვიდ-ინფიცირებულთან ჰქონდა კონტაქტი.
საქართველოში ახალი კორონავირუსით დაავადებულთა რაოდენობა ბოლო დღე-ღამეში 3.128-ით გაიზარდა და ინფიცირებულთა საერთო რიცხვმა 111.818-ს მიაღწია.
ამ დროისათვის სულ გამოჯანმრთელდა 92.215 ადამიანი, გარდაიცვალა 1.051 პაციენტი.
საქართველოში კორონავირუსის პირველი შემთხვევა 26 თებერვალს დაფიქსირდა.
