ცნობილი ექიმისა და ტელეწამყვანის ოთარ ტატიშვილის ოჯახში მატებაა. მის ვაჟს ზუკა ტატიშვილს მეორე შვილი შეეძინა.
„ბიჭია, ბიჭი!“ – ამ წარწერით გამოაქვეყნა პირად გვერდზე სამშობიარო სახლიდან ვიდეო ტატიშვილის ყოფილმა ცოლმა ეკა არჩვაძემ.
როგორც გაირკვა, ბაბუას სიურპრიზი მოუწყვეს და მის პატივსაცემად პატარას ოთარი დაარქვეს. ახალშობილიც და დედაც თავს კარგად გრძნობენ. ზუკას და მის მეუღლეს ბარბარე ჩაჩუას პირველი შვილი გოგონა ჰყავთ.
ოთარი პირველ მეუღლეს ეკა არჩვაძეს დაახლოებით 20 წლის წინ დაშორდა. ეკასთან მას ორი ვაჟი ჰყავს. ისინი ექვსი წელი ცხოვრობდნენ ერთად. მეორე მეუღლე თიკა სვანიშვილი სტომატოლოგია. მასთან ოთარს ერთი გოგონა – ნანი ტატიშვილი ჰყავს, რომელიც თანდათან საოცრად ემსგავსება დედას.
ზუკა უკვე რამდენიმე წელია დაოჯახებულია. მისი ძმა შოთიკო მუსიკოსია და სახლში საკუთარი სტუდია აქვს მოწყობილი. რამდენიმე თვის წინ ისიც დაქორწინდა, მისი რჩეული მარიამ ხულელიძე გახდა.