თბილისი, 5 ნოემბერი – Sputnik. კორონავირუსისგან გამოწვეულ კრიზისს საქართველო უკვე 10 თვეა ებრძვის. ეკონომიკური პრობლემების წინაშე საზოგადოების ყველა ფენა დგას.
მოსახლეობის უმეტესობას ბანკის ვალი აქვს და მისი გადახდა უჭირს. ამ პრობლემის შესახებ სოციალურ ქსელში ღიად წერს ცნობილი მომღერალი თემურ თათარაშვილი.
„მომილოცეთ დღეს ახალი სტატუსი შევიძინე, ცუდი გადამხდელი გავხდი. იპოთეკა ვერ გადავიხადე“, – დაწერა თემურ თათარაშვილმა სოციალურ ქსელში.
სექტემბრიდან ეპიდემიური მდგომარეობა განსაკუთრებით დამძიმდა, თუმცა მთავრობა „ლოკდაუნის“ გამოცხადებას ერიდება და მხოლოდ „წერტილოვანი შეზღუდვებით“ შემოფარგლება.
ახლა პირბადის ტარება აუცილებელი გახდა ქუჩაში, დამრღვევები 20 ლარით დაჯარიმდებიან. დიდი ქალაქების ყველა სკოლა კვლავ დისტანციურ სწავლებაზეა, დაიკეტა თბილისის საბავშვო ბაღები, ასევე სამხატვრო სკოლები. რესტორნებს 22:00 საათის შემდეგ მუშაობა ეკრძალებათ.
