ეს ადამიანი რეალურ საფრთხეს წარმოადგენდა: მძევალი მომხდარს დეტალურად იხსენებს

© Sputnik / STRINGERეს ადამიანი რეალურ საფრთხეს წარმოადგენდა: მძევალი მომხდარს დეტალურად იხსენებს
ეს ადამიანი რეალურ საფრთხეს წარმოადგენდა: მძევალი მომხდარს დეტალურად იხსენებს - Sputnik საქართველო
გამოწერა
ირაკლი კვარაცხელია ერთ-ერთი მათგანია, რომელიც შეიარაღებულმა პირმა ოთხშაბათს ზუგდიდში „საქართველოს ბანკის“ ფილიალზე თავდასხმისას მძევლად აიყვანა.

თბილისი, 22 ოქტომბერი — Sputnik. ერთ-ერთმა გათავისუფლებულმა მძევალმა, მას შემდეგ, რაც ზუგდიდის პოლიცია დატოვა გამოკითხვის დასრულების შემდეგ, ჟურნალისტებთან მომხდარი ფაქტის შესახებ ისაუბრა. 

სპეცოპერაცია ზუგდიდში - Sputnik საქართველო
შსს: ყველა მძევალი გათავისუფლებულია

ირაკლი კვარაცხელია ერთ-ერთი მათგანია, რომელიც შეიარაღებულმა პირმა ოთხშაბათს ზუგდიდში „საქართველოს ბანკის“ ფილიალზე თავდასხმისას მძევლად აიყვანა.

„ბანკში ახალი პლასტიკური ბარათის ასაღებად მივედი, ავიღე ნომერი და რიგში ჩავდექი. შემდეგ მოხდა ის, რაც მოხდა“, – განაცხადა კვარაცხელიამ.

მისი თქმით, თავიდან გასროლა ქუჩიდან გაიგონა, შემდეგ კი ბანკში შეიარაღებული პირი შევარდა, რომელმაც ხელყუმბარა საბრძოლო მდგომარეობაში მოიყვანა.

„ჩემი თვალით დავინახე ეს ყველაფერი და მივხვდი რაც გვემუქრებოდა. შემდეგ ამ ადამიანმა ორჯერ გაისროლა იმ პირის მიმართულებით, ვინც გარედან ვიდეოს გვიღებდა. შემდეგ მან დაგვავალა დაგვერეკა 112-ში, ერთს კი „ტვ პირველში“, – განაცხადა კვარაცხელიამ.

თავდასხმა ბანკზე ზუგდიდში: მძევლის განცხადებით, თავდამსხმელს თანხა გადაეცა>>>

მისი თქმით, შეიარაღებულმა პირმა იგი აიძულა მოლაპარაკებები ეწარმოებინა და ეთქვა მხოლოდ ის, რასაც ის ეტყოდა.

„თავიდან აგრესიული იყო, მაგრამ იმ 7 საათის განმავლობაში, რაც ჩვენ იქ გავატარეთ, იგი დამშვიდდა. ზოგიერთმა ხუმრობაც დაიწყო. ჩვენ ვცდილობდით მასთან ურთიერთობის დამყარებას... მას შემდეგ, რაც მან ფული აიღო, ორმა მძევალმა თავად გამოთქვა მზადყოფნა მასთან ერთად წასვლაზე, მესამე კი მან თავად აირჩია“, – განაცხადა კვარაცხელიამ.

ყოფილმა მძევალმა განაცხადა, რომ შეიარაღებულ პირს მთელი ამ ხნის მანძილზე ნიღაბი არ მოუხსნია, ამიტომაც მისი სახე არავის დაუნახავს, თუმცა ხმით მისი ამოცნობა შეიძლება შეძლოს. მან ასევე აღნიშნა, რომ ყველა ინფორმაციას, რაც ბანკის გარეთ ხდებოდა, ბოროტმოქმედი მასმედიისგან იგებდა, რომელიც აქტიურად აშუქებდა ოპერაციის მსვლელობას.

ყველა ახალი ამბავი
0