თბილისი, 20 ოქტომბერი – Sputnik. სამეგრელო–ზემო სვანეთის რეგიონში გამოკვლელული 279 ნიმუშიდან კორონავირუსი 68 პირს დაუდგინდა, იუწყება „Sputnik-საქართველოს“ კორესპონდენტი.
ახალი შემთხვევებიდან 39 ზუგდიდის მუნიციპალიტეტს უკავშირდება (10 დადასტურებული შემთხვევების კონტაქტებია, 29 კი ცხელების ცენტრებში გამოვლენილი შემთხვევები), 7–7 შემთხვევა დაფიქსირდა ფოთისა და ჩხოროწყუს მუნიციპალიტეტებში, 5 შემთხვევა გამოვლინდა ხობის მუნიციპალიტეტში, 4–4 კი წალენჯიხასა და მარტვილში. ინფიცირების ერთი შემთხვევა დაფიქსირდა მარტვილის მუნიციპალიტეტში და ერთიც საკარანტინო სივრცეში.
რაც შეეხება კოვიდ–კლინიკებში მოთავსებული პაციენტების რაოდენობას, რუხის მულტიპროფილურ კლინიკაში მკურნალობის კურსს ამჟამად 114 პაციენტი გადის, აქედან 15-ის მდგომარეობა შედარებით მძიმეა. ფოთის ჰოსპიტალში კი 33 კოვიდ-პაციენტი მკურნალობს.
ბოლო 24 საათის განმავლობაში სამეგრელო–ზემო სვანეთის რეგიონში გამოჯანმრთელდა შვიდი პაციენტი. რეგიონის მასშტაბით სულ საკარანტინო სივრცეში 232 ადამიანი იმყოფება.
საქართველოში ახალი კორონავირუსით დაავადებულთა რაოდენობა ბოლო დღე-ღამეში 1194-ით გაიზარდა და საერთო რიცხვმა 19857-ს მიაღწია. სულ გამოჯანმრთელდა 8666 ადამიანი, გარდაიცვალა – 158, კარანტინის რეჟიმში იმყოფება 6407, სტაციონარებში ექიმების დაკვირვების ქვეშ 2862 პაციენტია, ხოლო კოვიდ–სასტუმროებში 1420 ადამიანი იმყოფება.
საქართველოში კორონავირუსის პირველი შემთხვევა 26 თებერვალს დაფიქსირდა.
ნიკა ლატარია
