საქართველოში ვეტერანების დღე აღინიშნება

© photo: Sputnikგამარჯვების დღე. 2019 წლის 9 მაისი
გამარჯვების დღე. 2019 წლის 9 მაისი - Sputnik საქართველო
გამოწერა
2020 წლის 1 იანვრის მონაცემებით, საქართველოში ვეტერანის სტატუსი ჰქონდა 68 576 ადამიანს, მათ შორის არიან მეორე მსოფლიო ომის და საქართველოს ტერიტორიული მთლიანობისთვის ბრძოლების მონაწილეები

თბილისი, 17 ოქტომბერი - Sputnik. საქართველოს პირველმა პირებმა ვეტერანებს მათი დღესასწაული მიულოცეს.

საქართველოში ვეტერანის დღეს 2014 წლის 17 ოქტომბრიდან აღნიშნავენ. დღესასწაულის ტრადიცია დაარსდა „ომის და საქართველოს შეიარაღებული ძალების ვეტერანების შესახებ“ კანონის საფუძველზე.

კობა კობალაძე - Sputnik საქართველო
ვეტერანების საქმეთა სახელმწიფო სამსახურის დირექტორად კობა კობალაძე დაინიშნა

„ვულოცავ ვეტერანების დღეს ყველას, ვინც ამაყად ატარა ქართული დროშა და საკუთარი სიცოცხლის საფრთხეში ჩაგდების ფასად უდიდესი წვლილი შეიტანა ჩვენი ქვეყნის სახელმწიფოებრიობის ჩამოყალიბებისა და შენარჩუნების საქმეში“, - დაწერა საქართველოს პრეზიდენტმა თავის Facebook-გვერდზე.

გმირების დღე ვეტერანებს საქართველოს პრემიერ-მინისტრმა გიორგი გახარიამაც მიულოცა.

„დღეს საქართველოში ვეტერანების დღეა. ჩვენ ყველამ პატივი უნდა ვცეთ ჩვენს ვეტერანებს და უნდა გავიხსენოთ საქართველოს ერთიანობისთვის და მთლიანობისთვის დაღუპული გმირები... ჩვენ ყველას კარგად უნდა გვახსოვდეს, საიდან მოვდივართ და ჩვენი წარსულის ტრადიციებით და ფასეულობებით უნდა გავიკვლიოთ გზა მომავლისკენ“, – განაცხადა გიორგი გახარიამ.

საქართველოს უხუცეს ვეტერანს 106 წელი შეუსრულდა >>

2020 წლის 1 იანვრის მონაცემებით, საქართველოში ვეტერანის სტატუსი ჰქონდა 68 576 ადამიანს, მათ შორის არიან მეორე მსოფლიო ომის და საქართველოს ტერიტორიული მთლიანობისთვის ბრძოლების მონაწილეები.

ყველა ახალი ამბავი
0