კორონავირუსი საქართველოში: ქვეყანაში სკოლები და ბაღები იხურება

© photo: Sputnikდისტანციური სწავლება
დისტანციური სწავლება - Sputnik საქართველო
გამოწერა
საქართველოში ახალი კორონავირუსით ინფიცირებულთა შორის პედაგოგებისა და ბავშვების რაოდენობა ყოველდღიურად მატულობს.

თბილისი, 15 ოქტომბერი – Sputnik. თბილისის პირველი კლასიკური გიმნაზია მუშაობის დისტანციურ რეჟიმზე გადავიდა – ერთ-ერთ პედაგოგს კორონავირუსი დაუდასტურდა. ინფორმაცია სოციალურ ქსელში სკოლის დირექტორმა თამარ კაპანაძემ გაავრცელა. 

 ვირუსის პროფილაქტიკა სკოლაში - Sputnik საქართველო
სწავლების დისტანციურ რეჟიმზე თბილისის კიდევ ერთი საჯარო სკოლა გადავიდა

ინფექცია ქართული ენისა და ლიტერატურის მასწავლებელს დაუდგინდა, რის გამოც სკოლა 21 ოქტომბრამდე დისტანციურ სწავლებზე გადავიდა.

კორონავირუსის ინფექციის გამოვლენის გამო სასწავლო პროცესი 12 დღით დისტანციურ რეჟიმში გაგრძელდება თბილისის №173 სკოლაშიც.

„კორონავირუსი ჩვენი სკოლის პედაგოგს გამოუვლინდა. იგი ორსულადაა და უკვე გადის მკურნალობის კურსს. ჩვენ რეკომენდაცია მივიღეთ, გარკვეული დროით თვითიზოლაციაში გადავიყვანოთ ის პირები, რომელთაც ინფიცირებულთან შეხება ჰქონდათ. მასთან კონტაქტი ბევრ პედაგოგს ჰქონდა, ამიტომაც 12 დღით მთელი სკოლა დისტანციურ სწავლებაზე გადავიდა“, – განაცხადა სკოლის დირექტორმა ლია თუშურმა. 

საბავშვო ბაღი - Sputnik საქართველო
თბილისში რამდენიმე საბავშვო ბაღმა გახსნისთანავე მუშაობა შეწყვიტა

კორონავირუსის ინფექცია დაუდასტურდათ ქუთაისის კერძო სკოლა „პროგრესის“ პედაგოგსა და მოსწავლეს – ინფიცირებულია პირველი კლასის მოსწავლე და მისი პედაგოგი.

კორონავირუსის ინფექციის კიდევ ერთი შემთხვევა დაფიქსირდა ქუთაისის აკადემიკოს ი. ჯავახიშვილის სახელობის სკოლა „იმედში“ – ინფიცირებულია პედაგოგი, რის გამოც სკოლა ერთი კვირით სწავლის ონლაინ–რეჟიმზე გადავიდა.

რაც შეეხება თბილისის საბავშვო ბაღებს, სასწავლო–სააღმზრდელო პროცესის განახლებიდან დღემდე დაწესებულებებში გამოვლენილი ინფიცირების შემთხვევების გამო ჯამში 13 ბაღი დაიკეტა. მათგან სამში – №53, №99 და №36 კორონავირუსი სააღმზრდელო წლის დაწყებამდე დაფიქსირდა.

დროებით დახურულ დაწესებულებებს შორისაა №4, №29, №35, №93, №153 და №6 საბავშვო ბაღები, ასევე ბაღი „ხუთკუნჭულა“.

საქართველოს საჯარო სკოლებში სასწავლო პროცესი 15 სექტემბრიდან, საბავშვო ბაღებში კი სასწავლო–სააღმზრდელო პროცესი 12 ოქტომბრიდან განახლდა.

ყველა ახალი ამბავი
0