ბათუმის შესასვლელებში ბლოკპოსტები მოიხსნა

© photo: Sputnik / Stringerბათუმი
ბათუმი - Sputnik საქართველო
გამოწერა
სპეციალისტების თქმით, რეგიონში ეპიდემიოლოგიური სიტუაცია სტაბილიზაციისკენ მიდის, თუმცა, ჯერ კიდევ ძალაშია ხელისუფლების მიერ დაწესებული შეზღუდვები.

თბილისი, 12 ოქტომბერი – Sputnik. საქართველოს მთავრობის უწყებათაშორისი საკოორდინაციო საბჭოს გადაწყვეტილებით, ბათუმის შესასვლელსა და გამოსასვლელებში მოქალაქეების თერმოსკრინინგის მიზნით მოწყობილი ე.წ. ბლოკპოსტები მოიხსნა. 

ბათუმი - Sputnik საქართველო
გაბუნია: აჭარაში ეპიდემიის ძირითადი ტალღა დასრულდა

აჭარა კორონავირუსის გავრცელების კუთხით „წითელ ზონაში“ რჩება. რეგიონში ბოლო დღე–ღამეში ინფიცირების 196 შემთხვევა დაფიქსირდა, გარდაიცვალა ოთხი ადამიანი. პანდემიის დაწყებიდან დღემდე კი აჭარაში კორონავირუსის დიაგნოზით 47 პაციენტია გარდაცვლილი.

სპეციალისტების თქმით, რეგიონში ეპიდემიოლოგიური სიტუაცია სტაბილიზაციისკენ მიდის, თუმცა, ჯერ კიდევ ძალაშია ხელისუფლების მიერ დაწესებული შეზღუდვები. იმ შემთხვევაში, თუ სტაბილური მაჩვენებელი საინკუბაციო პერიოდში შენარჩუნდება, შეზღუდვები ეტაპობრივად მოიხსნება.

რეგიონის კოვიდ–კლინიკებში 521 პაციენტი მკურნალობს, მათგან 15 არასრულწლოვანია, 27 კი ორსული. რეანიმაციულ განყოფილებაში კი 52 პაციენტია მოთავსებული.

ბოლო მონაცემებით, საქართველოში კორონავირუსით ინფიცირებულთა რაოდენობამ 12 272–ს მიაღწია, გამოჯანმრთელდა 6 538, გარდაიცვალა 93.

ყველა ახალი ამბავი
0