ნინა ზარქუას და ტყუპისცალივით ჰგავს – ულამაზესი დების ფოტოები

ცნობილი ქართველი დიზაინერი ნინა ზარქუა ინტერვიუებში ხშირად აღნიშნავს, რომ კარიერა უმცროსი შვილის წამოზრდის შემდეგ დაიწყო. თავდაპირველად საზოგადოებამ ის როგორც ფეხბურთელის მეუღლე და ცნობილი დიზაინერის ანუკი არეშიძის უახლოესი მეგობარი გაიცნო, თუმცა რამდენიმე წლის წინ უახლოესი მეგობრები უცნობი მიზეზით დაშორდნენ.

პროფესიით დიპლომატია, დაამთავრა საერთაშორისო ურთიერთობების ფაკულტეტი, მაგრამ ახლა მოდის ინდუსტრიაში საქმიანობს. ყოფილი მოდელი ნინა ზარქუა აქსესუარების, ფეხსაცმელების, ჩანთებისა და სამკაულების ხაზზე მუშაობს, რომელიც მსოფლიოს სხვადასხვა ქვეყანაში იყიდება.

ცოტა ხნის წინ ამერიკელი სუპერმოდელი კენდალ ჯენერი, რომელმაც სახელი რეალითი შოუს „კარდაშიანების ოჯახის“ წყალობით გაითქვა, ერთ კვირაში ორჯერ გამოჩნდა ნინა ზარქუას მიერ შექმნილი ფეხსაცმლით.

პირველად Coachella-ს მუსიკალურ ფესტივალზე ულტრამოდური ვერცხლისფერი ფეხსაცმლით, რომლის დიზაინიც ნამდვილად გამორჩეული და თვალშისაცემია: ქუსლისა და ცხვირის უჩვეულო ფორმა გულგრილს ჩაცმის მოყვარულ არც ერთ ქალბატონს არ დატოვებს. მეორედ კენდალი Zarqua-ს ფეხსაცმლით Revolove Festival ბრენდის ღონისძიებაზე მივიდა. ამჯერად მან ბაცი სალათისფერი ტყავის ფეხსაცმელი შეარჩია.

დიზაინერის ჩანთაზე შეაჩერა არჩევანი მსოფლიოში ცნობილმა მომღერალმა ლედი გაგამ – მას ერთ-ერთ წვეულებაზე ნინა ზარქუას ჩანთა ეჭირა.

ნინას უფროსი და-ძმა ჰყავს. სოციალურ ქსელში ხშირად აქვეყნებს ფოტოებს დასთან ერთად, სადაც მათი მსგავსება ერთი შეხედვით შესამჩნევია.