EBRD და FAO საქართველოს აგროტურიზმის განვითარებაში დაეხმარებიან

© photo : Photo: courtesy of Another Georgiaქართული სამზარეულო
ქართული სამზარეულო - Sputnik საქართველო
გამოწერა
სტრატეგიის ავტორები გეგმავენ ტურიზმის კონცეფციის სრულად გადახედვას და საქართველოს კულინარიულ ტრადიციებსა და ქვეყნის ბიომრავალფეროვნებაზე ყურადღების გამახვილებას.

თბილისი, 28 სექტემბერი — Sputnik. ევროპის განვითარებისა და რეკონსტრუქციის ბანკი (EBRD) და გაეროს სურსათისა და სოფლის მეურნეობის ორგანიზაცია (FAO) საქართველოში აგროტურიზმის განვითარების ახალი ერთობლივი ინიციატივით გამოდიან,  განაცხადეს FAO-ს თბილისის ოფისში. 

ქართული სუფრა - Sputnik საქართველო
იაპონიაში ფასტ-ფუდის რესტორნების ქსელის მენიუში ქართული კერძი შეიტანეს

ინიციატივა მიმართულია საქართველოს სტაბილური გასტრონომიული ტურიზმის ადგილად გარდაქმნისკენ. სტრატეგიის ავტორების შეთავაზებაა ტურიზმის კონცეფციის სრულად გადახედვა და საქართველოს კულინარიულ ტრადიციებსა და ქვეყნის ბიომრავალფეროვნებაზე ყურადღების გამახვილება. მათი კონცეფციის საფუძველია იდეები, რომელთა რეალიზებაც უკვე მოხდა მონტენეგროში.

სტრატეგიის ერთ-ერთი მთავარი მიმართულება – ისეთი ქართული ტრადიციული კერძების რეპუტაციის დაცვაა, როგორიცაა თუშური გუდის ყველი ან სულუგუნი.

EBRD და FAO ასევე დაეხმარებიან ტრადიციული პროდუქტების (მაგალითად, იშვიათი სახეობის ყველის) მწარმოებელ მცირე საწარმოებს სასტუმროებთან, რესტორნებთან და კაფეებთან ურთიერთობების დალაგებაში. ამისთვის მოხდება ბაზრის შესწავლა.

სტრატეგიის ავტორების აზრით, კორონავირუსის პანდემია სტაბილური აგროტურიზმის განვითარებისთვის საუკეთესო დროა. მათი განცხადებით, საქართველო შეძლებს მოგზაურებს შესთავაზოს „ღირსშესანიშნაობების დიდი არჩევანი და ღონისძიებები ღია სივრცეში“.

პროექტი განხორციელდება გარემოს დაცვისა და სოფლის მეურნეობის სამინისტროსთან, ველური ბუნების დაცვის მსოფლიო ფონდის კავკასიის ოფისთან, არასამთავრობო ორგანიზაცია „ელკანასთან“, Slow Food-თან, საქართველოს ფერმერთა ასოციაციასთან და საქართველოს ტურიზმის ეროვნულ ადმინისტრაციასთან ერთად.

ყველა ახალი ამბავი
0