ქობულეთში სამკერვალო ფაბრიკის ხუთ თანამშრომელს კორონავირუსი დაუდასტურდა

© photo: Sputnikტესტირება
ტესტირება - Sputnik საქართველო
გამოწერა
საქართველოში ბოლო დღეებში გამოვლენილი კორონავირუსის შემთხვევების უმეტესობა სწორედ აჭარას უკავშირდება.

თბილისი, 24 სექტემბერი – Sputnik. ქობულეთში სამკერვალო ფაბრიკა „აჭარა-ტექსტილის“ ხუთ თანამშრომელს კორონავირუსი დაუდასტურდა, რის გამოც საწარმომ რამდენიმე დღით მუშაობა შეწყვიტა, იუწყება „პირველი არხი“.

ბათუმის რესპუბლიკურ საავადმყოფოში 9 პაციენტის მდგომარეობა უკიდურესად მძიმეა>>

„აჭარა-ტექსტილის“ ყველა თანამშრომელს PCR–ტესტირება უტარდება. ფაბრიკის დირექტორის გია ლომინაძის განცხადებით, ინფიცირების წყარო უცნობია.

„ფაბრიკაში ჩატარდა დეზინფექცია და პროტოკოლით გათვალისწინებული ყველა ღონისძიება. ყველა თანამშრომელს ჩაუტარდა ტესტირება. ნაწილი პასუხებისა ცნობილია და მხოლოდ ხუთი დადასტურებული შემთხვევაა. ტესტირების პასუხებს კიდევ ველოდებით. დავიწყეთ მუშაობა, ოღონდ ნაწილობრივ, მხოლოდ ის თანამშრომლები გამოვიდნენ სამსახურში, ვისი ტესტის პასუხიც უკვე ცნობილია და უარყოფითია“, – განაცხადა გია ლომინაძემ.

აჭარის რეგიონში სულ ინფიცირების ათასზე მეტი აქტიური შემთხვევაა დადასტურებული. ბოლო დღეებში გამოვლენილი  კორონავირუსის შემთხვევების უმეტესობა სწორედ აჭარას უკავშირდება.

PCR–ტესტირება ბათუმში - Sputnik საქართველო
რთული, მაგრამ კონტროლს ექვემდებარება – აჭარის მეთაურმა რეგიონში არსებული ვითარება შეაფასა

აღნიშნულთან დაკავშირებით გუშინ აჭარის მთავრობის მეთაურმა თორნიკე რიჟვაძემ განაცხადა, რომ აჭარაში ინფიცირებულთა რაოდენობის ზრდის მიუხედავად რეგიონში ყველა უწყება გამართულად მუშაობს, ამიტომ შეზღუდვების გამკაცრების აუცილებლობა არ არის.

თბილისის ინფექციური საავადმყოფოს სამედიცინო დირექტორი მარინა ეზუგბაია მესამე დღეა ბათუმში იმყოფება და ვითარებას ეცნობა.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 259-ით გაიზარდა და 4399-ს მიაღწია, გამოჯანმრთელდა 1705 ადამიანი, გარდაიცვალა 25 პაციენტი.

საქართველოში კორონავირუსის პირველი შემთხვევა 26 თებერვალს დაფიქსირდა.

ყველა ახალი ამბავი
0