თბილისი, 17 სექტემბერი — Sputnik. აჭარაში ხელვაჩაურის მერის მოადგილეს კახაბერ ფუტკარაძეს და საბავშვო ბაღების გაერთიანების უფროს ნატო შერვაშიძეს კორონავირუსი დაუდასტურდათ, იუწყება ტელეკომპანია Imedi.
დიმიტრი ხუნდაძე: საქართველოში რესტორნების დახურვის საკითხი შეიძლება დადგეს >>
ხელვაჩაურის მერიაში სადეზინფექციო სამუშაოები უკვე ჩატარდა. როგორც აღინიშნა, ყველა თანამშრომელს ტესტირება ჩაუტარდა და ინფიცირების შემთხვევები არ გამოვლენილა. ინფიცირებულები კლინიკაში ორი დღის წინ გადაიყვანეს. ისინი თვითიზოლაციაში იმყოფებოდნენ.
საქართველოში ბოლო დღე-ღამეში კორონავირუსის 179 ახალი შემთხვევა გამოვლინდა, აქედან უმრავლესობა - 126 - აჭარაში.
სულ ამ დროისთვის კორონავირუსით ინფიცირებულია 2937 ადამიანი, გამოჯანმრთელდა 1422, გარდაიცვალა 19 პაციენტი.
