თბილისი, 17 სექტემბერი – Sputnik. მომღერალი ჯაბა ბოჯგუა გარდაიცვალა. ინფორმაციას სოციალურ ქსელ „ფეისბუქში“ მომღერლის დედა მანანა გვასალია ავრცელებს.
მომღერალი 12 წელი კომაში იყო. მას დედა მანანა გვასალია და 86 წლის ბებია უვლიდნენ, რომელიც შვილიშვილის დასახმარებლად ზოგჯერ ქუჩაში მოწყალებასაც ითხოვდა.
ქალბატონი გასულ წელს ავტოავარიას ემსხვერპლა.
ჯაბა ბოჯგუას გულის პრობლემები ბავშვობიდან აწუხებდა. წლების წინ ის დააპატიმრეს და გულის შეტევა ციხეში მოუვიდა. მაშინ მომღერალი სიკვდილს სასწაულებრივად გადაურჩა, თუმცა მას შემდეგ გონზე აღარ მოსულა.