მას შემდეგ, რაც სამაუწყებლო კომპანია „რუსთავი 2“-ში კორონავირუსი „კურიერის“ წამყვანს თეონა ცხომელიძეს დაუდასტურდა, ტესტი ყველა თანამშრომელმა ჩაიტარა, თუმცა 400-ვე თანამშრომლის პასუხი უარყოფითი აღმოჩნდა.
უარყოფითი იყო ტელეშოუ „პროფილის“ წამყვანის მაია ასათიანის ტესტის პასუხიც, თუმცა მანამდე ასათიანს სიცხე ჰქონდა და ამიტომ – ეჭვი სავარაუდო ვირუსზე.
ტელეწამყვანმა ცოტა ხნის წინ „ინსტაგრამის“ „ფოლოვერებს“ ვიდეოები გაუზიარა, თუ როგორ აპირებდა კარანტინის გატარებას, სადაც ჩანს, რომ ქალს მომარაგებული აქვს წიგნები და ირგვლივ შემოკრებილი სამივე ძაღლი, რომლებიც პატრონის სახლში ყოფნით ძალიან გახარებული არიან.
View this post on Instagram
ტელეწამყვანი ერთ-ერთ ვიდეოში ამბობს, რომ მესამე ტესტის გაკეთებასაც აპირებს სამშაბათს, ამის შემდეგ კი მშვიდად გააგრძელებს ყოველდღიურ ცხოვრებას.