საქართველოს ყოფილი პრემიერ-მინისტრი და ყოფილი შინაგან საქმეთა მინისტრი 7-წლიანი პატიმრობიდან 20 თებერვალს გათავისუფლდა. მას მატროსოვის ციხესთან უამრავი ადამიანი დახვდა. როგორც ყოფილმა პრემიერმა ტელეკომპანია „მთავარ არხზე“ სტუმრობისას განაცხადა, მისი უფროსი ვაჟი ფიზიკურად ვერ დახვდა მამას, რადგან საზღვარგარეთ ცხოვრობს. მამას დახვდა უმცროსი ვაჟი, რომელიც ვანო მერაბიშვილის დაპატიმრებისას 4 წლის იყო და 7 წელი არ უნახავს ის.
ვანო მერაბიშვილს თაკო სალაყაიასთან ქორწინებაში ორი ვაჟი - 20 წლის მიშა და 11 წლის დათუნა მერაბიშვილები ჰყავს. მიშა ამერიკაში ცხოვრობს და სწავლობს, სწორედ ამის გამო არ იმყოფებოდა ის მატროსოვის ციხესთან.
ვანო მერაბიშვილი და თაკო სალაყაია ყოფილი მაღალჩინოსნის დაკავებამდე დაშორდნენ. თაკო სალაყაიას სახელს არაერთი სკანდალი უკავშირდება, უყვარს გართობა და, როგორც ამბობენ, მისი მხიარულება მეგობრებთან ერთად ხშირად სკანდალურად დასრულებულა. მეგობრობს ქართული შოუბიზნესის წარმომადგენლებთან. როგორც თაკო ერთ-ერთ ინტერვიუში იხსენებდა, ერთმანეთი ახალციხეში, ერთ-ერთი ახლობლის ოჯახში გაიცნეს და 6 თვის შემდეგ დაქორწინდნენ.