დაწესებული შეზღუდვები წინასაარჩევნო კამპანიაზე არ აისახება

© Sputnik / Alexander Imedashviliშეხვედრა ამომრჩეველთან
შეხვედრა ამომრჩეველთან - Sputnik საქართველო
გამოწერა
ახალი რეგულაციით ამომრჩეველთან შეხვედრები არ იკრძალება, თუმცა როგორც პოლიტიკოსები, ისე ელექტორატი შეხვედრებზე პირბადით უნდა იყვნენ.

თბილისი, 9 სექტემბერი — Sputnik. არჩევნების წინ ქვეყანაში პოლიტიკური პროცესი არ უნდა შეიზღუდოს, რათა აკრძალვები მმართველი ან სხვა პარტიის მიერ დისკრიმინაციის მიზნით არ იქნას გამოყენებული, განაცხადა დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ. 

ეკატერინე ტიკარაძე - Sputnik საქართველო
„ყველაფერს გავაკეთებთ, რომ საარჩევნო პროცესი რისკის წინაშე არ აღმოჩნდეს“ – ტიკარაძე

ამირან გამყრელიძემ განმარტა, თუ რატომ არ ეხება წინასაარჩევნო კამპანიასა და საარჩევნო პროცესებთან დაკავშირებულ ღონისძიებებს დღეს გახმოვანებული გადაწყვეტილება 200-ზე მეტი ადამიანის შეკრების შეზღუდვის შესახებ, რომელიც ძალაში 10 სექტემბრიდან შევა.

„არჩევნების დროს, რა თქმა უნდა, რაც შეიძლება ნაკლები შეზღუდვა უნდა იყოს, რათა ეს არ იყოს გამოყენებული მმართველი ან სხვა პარტიების მიერ დისკრიმინაციის სახით. აქედან გამომდინარე, უნდა მოხდეს პროცესის მონიტორინგი, მაგრამ პოლიტიკური პროცესის ნაკლები შეზღუდვით... ეს, ზოგადად, საერთაშორისო საზოგადოების რჩევა და რეკომენდაციაა, რათა პოლიტიკური პროცესები ნაკლებად შეიზღუდოს“, – განაცხადა გამყრელიძემ.

ამასთან, იმის გათვალისწინებით, რომ წინასაარჩევნო აგიტაციის დროს დაცული უნდა იყოს სოციალური დისტანცია, პირბადის გამოყენება აუცილებელია როგორც ღია, ისე დახურულ სივრცეში.

საქართველოში შექმნილი ეპიდვითარებიდან გამომდინარე, 10 სექტემბრიდან იკრძალება კულტურული და სპორტული ღონისძიებები 200-ზე მეტი ადამიანის მონაწილეობით. თუმცა, ეს შეზღუდვა არ ეხება წინასაარჩევნო აგიტაციასა და არჩევნებთან დაკავშირებულ ღონისძიებებს. აღნიშნული გადაწყვეტილება ოთხშაბათს გამართულ უწყებათშორისი საკოორდინაციო საბჭოს სხდომაზე მიიღეს.

ყველა ახალი ამბავი
0