04:50 27 სექტემბერი 2020
პირდაპირი ეთერი
  • EUR3.8812
  • 100 RUB4.2875
  • USD3.3332
საზოგადოება
მოკლე ბმულის მიღება
საქართველოს სოფლის მეურნეობა (142)
88 0 0

ჩაბარებული ყურძნის ღირებულება თითქმის 2,6 მილიონ ლარს შეადგენს. რთველში სულ უფრო მეტი ფერმერი და ღვინის საწარმო ერთვება.

თბილისი, 3 სექტემბერი — Sputnik. „რთველი 2020“-ის ფარგლებში ქარხნებში სხვადასხვა ჯიშის 2,5 ათას ტონამდე ყურძენია ჩაბარებული, იუწყება ღვინის ეროვნული სააგენტო. 

დღევანდელი მონაცემებით, საკოორდინაციო შტაბში, რომელიც თელავში ფუნქციონირებს, 120-ზე მეტი კომპანიაა დარეგისტრირებული, რომლებიც მოსავლის დაბინავების პროცესში ეტაპობრივად ჩაერთვებიან. ჩაბარებული ყურძნის ღირებულება ამ ეტაპზე თითქმის 2,6 მილიონ ლარს შეადგენს.

COVID-19-ის პანდემიის შედეგად დაზარალებული მევენახეობა-მეღვინეობის დარგის მხარდასაჭერად, საქართველოს მთავრობის გადაწყვეტილებით, წელს „რქაწითელისა" და „კახური მწვანეს" ჯიშის ყურძნის სუბსიდირება განხორციელდება.

სუბსიდიას მიიღებენ ღვინის კომპანიები, რომლებიც შეისყიდიან და გადაამუშავებენ არანაკლებ 1000 ტონა „რქაწითელის" ან „კახური მწვანეს" ჯიშის ყურძენს. ამასთან, ღვინის ქარხნებისთვის დადგენილია ფიქსირებული ფასი – 1 კგ ყურძენში არანაკლებ 80 თეთრი. სახელმწიფო სუბსიდია თითოეულ კილოგრამზე 30 თეთრს შეადგენს.

სააგენტოს მონაცემებით, ამ დროისათვის მევენახეებმა უკვე ჩააბარეს 619,6 ტონა „რქაწითელი“ და 38 ტონა „კახური მწვანე“.

 

თემები:
საქართველოს სოფლის მეურნეობა (142)

მთავარი თემები