ბავშვები საქართველოში ერთჯერადად 200-ლარიან დახმარებას მიიღებენ

© photo: Government of Georgia / FBგიორგი გახარია
გიორგი გახარია - Sputnik საქართველო
გამოწერა
როგორც მთავრობის მეთაურმა აღნიშნა, კორონავირუსის პანდემიის გამო ბევრ ადამიანს ფინანსური ზარალი მიადგა, ამიტომაც ხელისუფლებამ რთულ პერიოდში მოსახლეობის მხარდაჭერის გადაწყვეტილება მიიღო.

თბილისი, 6 აგვისტო – Sputnik. სასწავლო წლის დასაწყისში საქართველოს 18 წლამდე მოქალაქეები ერთჯერადად 200 ლარის ოდენობის დახმარებას მიიღებენ, განაცხადა საქართველოს პრემიერ-მინისტრმა გიორგი გახარიამ მთავრობის დღევანდელ სხდომაზე.

გახარიას განცხადებით, პანდემიით გამოწვეული ეკონომიკური კრიზისის გათვალისწინებით, სახელმწიფო სოციალური პროექტების გაგრძელების გადაწყვეტილებას იღებს და ამ კუთხით ერთჯერადი ფულადი დახმარებებია გათვალისწინებული. 

გიორგი გახარია - Sputnik საქართველო
ახალი შეღავათები მოსახლეობისთვის: მთავრობა კიდევ ოთხი თვის კომუნალურ გადასახადს დაფარავს

როგორც მთავრობის მეთაურმა აღნიშნა, კორონავირუსის პანდემიის გამო ბევრ ადამიანს ფინანსური ზარალი მიადგა, ამიტომაც ხელისუფლებამ რთულ პერიოდში მოსახლეობის მხარდაჭერის გადაწყვეტილება მიიღო.

„ყველაზე მთავარი – ეკონომიკურ კრიზისში ჩვენი მოქალაქეებისთვის, განსაკუთრებით ბავშვებისთვის სახელმწიფოს მხრიდან ერთჯერადად 200 ლარის ოდენობის დახმარებაა გათვალისწინებული და ეს იქნება ჩვენი ბავშვებისთვის სასწავლო წლის დასაწყისამდე ყველაზე მნიშვნელოვანი დახმარება“, – განაცხადა პრემიერმა.

მან დასძინა, რომ დღეისათვის საქართველოში 18 წლამდე ასაკის დაახლოებით 880 ათასი მოზარდია.

გარდა ამისა, ხელისუფლება ფიზიკურ პირებს ნოემბერში, დეკემბერში, იანვარსა და თებერვალში კომუნალური მომსახურების გადასახადს დაუფარავს.

ყველა ახალი ამბავი
0