თბილისი, 1 ივლისი — Sputnik. საქართველოში ბოლო დღე-ღამეში COVID-19-სგან გამოჯანმრთელებულთა რაოდენობა ერთით შეიცვალა და 795-ს მიაღწია, ნათქვამია სამთავრობო ვებ-გვერდზე stopcov.ge.
ამ დროისათვის საქართველოში ახალი კორონავირუსი 931 ადამიანს დაუდგინდა. ეპიდემიის დაწყებიდან დღემდე გარდაიცვალა 15 ადამიანი.
კარანტინის რეჟიმში იმყოფება 3080, ხოლო სტაციონარებში დაკვირვების ქვეშ 242 პაციენტია. ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს სამი მოქალაქე.
საქართველოში კორონავირუსის პირველი შემთხვევა 26 თებერვალს დაფიქსირდა. კორონავირუსის პანდემიასთან დაკავშირებით საქართველოში 21 მარტს საგანგებო მდგომარეობა გამოცხადდა, რომელიც 23 მაისს გაუქმდა, თუმცა ზოგიერთი შეზღუდვა კვლავ დარჩა. ხელისუფლება შეზღუდვებს ეტაპობრივად ხსნის.
