„ცუდად ვარ, არა მარტო მე!..“ – ლელა წურწუმია დახმარებას ითხოვს

თბილისი, 11 ივნისი – Sputnik. მომღერალმა ლელა წურწუმიამ რამდენიმეთვიანი პაუზის შემდეგ გადაწყვიტა საყვარელ საქმიანობას დაუბრუნდეს და ჯგუფ „ნონ სტოპთან” ერთად პირველი რეპეტიციაც გამართა.

მომღერალმა „ინსტაგრამზე“ ვიდეო გამოაქვეყნა, სადაც საზოგადოებას მიმართავს.

„7 მარტს მქონდა ბოლო კონცერტი და მას შემდეგ პირველად შევიკრიბეთ სარეპეტიციოდ, არ ვიცი რა რეკომენდაციები დაგვიწესა მთავრობამ, არც ის ვიცი კონცერტები იქნება თუ არა. მაგრამ ცუდად ვარ, არა მარტო მე, არამედ ბევრი ჩემი კოლეგა. ასე მაინც უნდა გავაკეთო ეს, რადგან ცუდად ვარ ჩემი საქმის გარეშე. ლილოს ბაზრობაც კი გახსნილია, მაგრამ ხელოვნება ადამიანის ყველაზე მთავარი საკვებია და ჩვენი სფერო არ უნდა დაიჩაგროს”, – აცხადებს მომღერალი.

ელეგანტური, ეშხიანი, განსაკუთრებული ტემბრისა და ხმის მქონე მომღერალი წლებია პოპულარობას არ კარგავს. უშუქობაში დაწერილი სიმღერები დღემდე ჰიტია. მისი შემოქმედება ლელა წურწუმიას ქალიშვილის თანატოლებმაც კი ზეპირად იციან და ყოველ სოლო კონცერტს დიდი ინტერესით ელოდებიან. საქართველოში ერთადერთი ქალი შემსრულებელია, რომელმაც სოლო-კარიერის მანძილზე 12 ალბომი გამოუშვა.

ბნელი 90-იანების დასაწყისში დაწყებული ბრწყინვალე კარიერა დღემდე წარმატებით მიმდინარეობს. ლელა წურ­წუ­მია ყვე­ლა­ზე მა­ღა­ლა­ნა­ზღა­უ­რე­ბა­დი ქარ­თვე­ლი მომ­ღე­რა­ლია, რომ­ლის კა­რი­ე­რაც 1991 წელს და­ი­წყო. ლელა 1969 წლის 12 თე­ბერ­ვალს თბი­ლის­ში, მხატ­ვრის ოჯახ­ში და­ი­ბა­და. ჰყავს დედა, ორი და, მე­უღ­ლე და ქა­ლიშ­ვი­ლი მა­რი­კო მა­მუ­ლაშ­ვი­ლი.