თბილისი, 5 ივნისი – Sputnik. სომხეთში COVID-19-ის გამოვლენილი შემთხვევების რაოდენობა 11817-მდე გაიზარდა, იუწყება „Sputnik–სომხეთი“ დაავადებათა კონტროლისა და პროფილაქტიკის ეროვნული ცენტრის ინფორმაციაზე დაყრდნობით.
სომხეთში პირბადით სიარული სავალდებულო ხდება - ფაშინიანი ერთმანეთის თვალთვალისკენ მოუწოდებს>>
მხოლოდ გასულ დღე-ღამეში დაავადების 596 ახალი შემთხვევა გამოვლინდა.
კორონავირუსის გართულებებისგან სულ, გასული დღე-ღამის მონაცემების ჩათვლით, გარდაიცვალა 190 ადამიანი, სხვა მიზეზებით – 70 ინფიცირებული პაციენტი.
ახალი მონაცემებით, ინფექციისგან განკურნებულთა რიცხვია 3 513. ამჟამად მკურნალობს 8 052 ადამიანი. ქვეყანაში სულ 65 161 ტესტი ჩატარდა.
სომხეთში საგანგებო მდგომარეობა 16 მარტიდან მოქმედებს, რომელიც 13 ივნისამდე გაგრძელდა. 18 მაისიდან ქვეყანაში ამუშავდა საზოგადოებრივი ტრანსპორტი, გაიხსნა სავაჭრო ცენტრები, მოიხსნა საზოგადოებრივი კვების ობიექტების მუშაობის აკრძალვა. 4 ივნისიდან ქვეყანაში პირბადის ტარება ყველგან სავალდებულო გახდა.