„დედა, დედამთილი, მე და ბაია “ – ასე გამოიყურებიან ნინო ნადირაძის ოჯახის წევრები

საქართველოში კუზანოვების ოჯახი პროფესიიდან გამომდინარე ძალიან პოპულარულია. მათი ოჯახის თითოეულ წევრს უამრავი ადამიანი იცნობს. ექიმების ოპერაციების შესახებ ლეგენდები დადის. ოჯახის უმცროსი წევრებიც ბაბუის ნაბიჯებს მიჰყვებიან და მომავალი ექიმები არიან. მათ შორის არის ბაია კუზანოვიც, გუგას და ნინოს ქალიშვილი.

ბაია სულ რამდენიმე თვის წინ დაოჯახდა და ახლა პლასტიკური ოპერაციების გაკეთებას ბაბუასთან ერთად შეუდგა. სულ ცოტა ხნის წინ კარდიოლოგმა დედამ მისი უაღრესად საყვარელი სურათი გამოაქვეყნა. გუგა და ნინო მალე ბაბუა და ბებია გახდებიან. თვითიზოლაციის წესების შემსუბუქების შემდეგ ნინო ნადირაძემ დედა და დედამთილი სახლში მიიპატიჟა. სურათმაც არ დააყოვნა. ფეხმძიმე ბაია ბებიებთან და დედასთან ერთად პოზირებს.

ნინოს გვერდით გუგა კუზანოვის დედა დგას, ხოლო მაგიდასთან ნინოს დედა ზის. რამდენიმე თვის წინ ნინომ მშვენიერი დედის სურათი გამოაქვეყნა და ასე დაასათაურა: „ჩემი ყველაზე მკაცრი ცენზორი“. მიუხედავად იმისა, რომ დედა-შვილს საკმაოდ მეგობრული დამოკიდებულება აქვთ, ნინოს ყველაზე დიდი გულშემატკივარი და კრიტიკოსიც მისი დედაა.

ექიმი იმ ცნობილი ქართველი ქალების რიცხვს განეკუთვნება, რომლებმაც წარმატებასაც მიაღწიეს, გარეგნობითაც აკვირვებენ საზოგადოებას და ამ ყველაფერთან ერთად დიასახლისობასაც ასწრებენ. ნინოს ორი შვილი ჰყავს, თუმცა ეს ყველაფერი მას ხელს არ უშლის, საზოგადოება მისი საქმიანობით თუ სილამაზით გაკვირვებული დატოვოს.

ბებიებთან გადაღებულმა სურათმა დიდი გამოხმაურება გამოიწვია. „თაობების როგორი საინტერესო ფოტოა. თითქოს ფერადი, მაგრამ შავ-თეთრი ძლიერი ხაზით“; „ახალგაზრდა დიდი ბებიები… ბაია რა საყვარელი ფეხმძიმეა!“; „ულამაზესი ორსულია. მადლობა ნინოს დედას ასეთი კარგი ნინოსთვის“ – წერენ ნინოს „ფოლოვერები“. ნინო და გუგა კუზანოვებმა ოჯახი 27 წლის წინ შექმნეს. წყვილი შეუდარებლად გამოიყურება. ნინო პირადი ცხოვრების დეტალებს რეიტინგულ თოქ-შოუ „პრაიმ შოუშიც“ ასაჯაროებს. ექიმები 1993 წელს შეუღლდნენ. ურთიერთგაგებითა და ერთმანეთის მხარდაჭერით ბევრს მიაღწიეს.