ზუგდიდში კორონავირუსი ტრაილერის მძღოლს დაუდასტურდა

© photo: Sputnik / Nika latariaრუხის მრავალპროფილური საავადმყოფო
რუხის მრავალპროფილური საავადმყოფო - Sputnik საქართველო
გამოწერა
1 მაისს თვითიზოლაციის დასრულების შემდეგ მამაკაცი თბილისში შიდა გადაზიდვებს ახორციელებდა. მას კორონავირუსისთვის დამახასიათებელი სიმპტომები 9 მაისს გამოუვლინდა

თბილისი, 16 მაისი - Sputnik. მამაკაცი, რომელსაც ზუგდიდში პარასკევს კორონავირუსი დაუდასტურდა, ტრაილერის მძღოლია, იუწყება ადგილიდან „Sputnik-საქართველოს“ კორესპონდენტი.

მამაკაცი 17 აპრილს ჩამოვიდა ერევნიდან და 1 მაისამდე იმყოფებოდა თვითიზოლაციაში. თვითიზოლაციის დასრულების შემდეგ ის ახორციელებდა შიდა გადაზიდვებს თბილისში, განუცხადა ჟურნალისტებს ზუგდიდის საზოგადოებრივი ჯანდაცვის ცენტრის დირექტორმა ნანა ოდიშარიამ.

„17 აპრილიდან 1 მაისამდე იყო ოჯახში. შემდეგ გადავიდა შიდა გადაზიდვებზე, რომელიც 6 და 7 მაისს უფიქსირდება თბილისში. მას დაავადება დაეწყო 9 მაისს, მაღალი ტემპერატურით. ის თვითმკურნალობას მიმართავდა ოჯახში. როდესაც მისი ჯანმრთელობის მდგომარეობა არ გაუმჯობესდა, მიმართა რუხის კლინიკას 14 მაისს, სადაც ვირუსი დაუდასტურდა“, - განაცხადა ნანა ოდიშარიამ.
ტესტ-სისტემა კორონავირუსის დასადგენად - Sputnik საქართველო
COVID-19 საქართველოში:გამოჯანმრთელებულთა და დაავადებულთა რიცხვებს შორის სხვაობა თალსაჩინოა

მისივე თქმით, პაციენტი ასახელებს კონტაქტებს თბილისში. ამ ეტაპზე პაციენტის 4 კონტაქტი - ოჯახის წევრები გადაყვანილია კარანტინში, ორს გადასაყვანად ამზადებენ, მიმდინარეობს ასევე ჩაღრმავებული ეპიდკვლევა სხვა კონტაქტების გამოსავლენად. ნანა ოდიშარის ინფორმაციით, მძღოლი იმყოფებოდა ასევე ფოთშიც.

ამ დროისათვის საქართველოში კორონავირუსი 677 ადამიანს დაუდასტურდა, გამოჯანმრთელდა 419 ადამიანი, გარდაიცვალა – 12. კარანტინის რეჟიმში იმყოფება 3873, ხოლო სტაციონარებში დაკვირვების ქვეშ 393 პაციენტია. ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს სამი მოქალაქე.

ნიკა ლატარია

ყველა ახალი ამბავი
0