თბილისი, 13 მაისი — Sputnik. საქართველოში კორონავირუსის დადასტურებული შემთხვევების რაოდენობა თითქმის ყოველდღიურად მცირდება. ამასთან, იზრდება გამოჯანმრთელებული ადამიანების რიცხვი.
საქართველოში კორონავირუსის პირველი შემთხვევა 26 თებერვალს გამოვლინდა. საქართველოს მთავრობამ ეპიდემიის შეკავების მიზნით მკაცრი ზომები პრაქტიკულად პირველივე დღეებში გაატარა. ქვეყანაში საგანგებო მდგომარეობა მოქმედებს, დაწესებულია გადაადგილებაზე რიგი შეზღუდვები, მათ შორის, კომენდანტის საათი.
ასე რომ, 2,5 თვის მანძილზე საქართველოს ხელისუფლებამ შეძლო ვითარების სტაბილიზება და მოვლენების ევროპული განვითარებისგან თავის დაღწევა. ქვეყანამ შეზღუდვების ეტაპობრივი მოხსნა დაიწყო.
მთლიანობაში საქართველოში ბოლო ორ კვირაში ეპიდვითარების დადებითი დინამიკა ფიქსირდება. როგორ ვითარდებოდა მოვლენები მაისის დასაწყისიდან:
| თარიღი | დღე-ღამეში ინფიცირებულთა რაოდენობა | დღე-ღამეში გამოჯანმრთელებულთა რაოდენობა |
| 1 მაისი | 27 | 23 |
| 4 მაისი | 4 | 16 |
| 7 მაისი | 5 | 6 |
| 8 მაისი | 8 | 8 |
| 9 მაისი | 3 | 9 |
| 19 მაისი | 9 | 12 |
| 11 მაისი | 3 | 8 |
| 12 მაისი | 3 | 32 |
COVID-19-ის სიმპტომები საქართველოში
სიმპტომები, რომლებიც ინფიცირებულ პაციენტებს ყველაზე ხშირად აღენიშნებათ:
| სიმპტომები | პროცენტული მაჩვენებელი ინფიცირებულთა საერთო რაოდენობიდან |
| ტკივილი გულ-მკერდის არეში | 5% |
| გულისრევა, პირღებინება | 6% |
| დიარეა | 10% |
| ყნოსვის/გემოს ცვლილება | 11% |
| კუნთების ტკივილი | 12% |
| ტკივილი სახსრებში | 13% |
| სურდო | 15% |
| თავის ტკივილი | 17% |
| ყელის ტკივილი | 24% |
| საერთო სისუსტე | 36% |
| ხველა | 36% |
| ტემპერატურა, შემცივნება | 72% |
საქართველოში ტესტირება მთლიანობაში 30,8 ათასზე მეტ ადამიანს ჩაუტარდა.
ბოლო მონაცემებით, საქართველოში COVID-19 642 ადამიანს დაუდგინდა, უცხოეთიდან სამკურნალოდ საქართველოს სამი მოქალაქე გადმოიყვანეს, გამოჯანმრთელდა 349 პაციენტი, გარდაიცვალა 11 ადამიანი.
შემთხვევების დადასტურებული რაოდენობა ასაკობრივი კატეგორიების მიხედვით:
| ასაკი | ინფიცირებულთა პროცენტული მაჩვენებელი |
| 0–1 წელი | 1% |
| 2–4 წელი | 2% |
| 5–14 წელი | 6% |
| 15–29 წელი | 19% |
| 30–39 წელი | 18% |
| 40–49 წელი | 16% |
| 50–59 წელი | 18% |
| 60–69 წელი | 11% |
| 70–79 წელი | 7% |
| 80 წელი | 2% |
