Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

თბილისში ასაკოვან ბიბლიოთეკარებს პროდუქტებით დაეხმარნენ

© photo: Sputnik / Stringerპური
პური - Sputnik საქართველო
გამოწერა
ასაკოვანი ადამიანები რისკის ჯგუფში შედიან და ყველაზე მეტად ესაჭიროებათ ჩვენი მხარდაჭერა, ამბობს ეროვნული ბიბლიოთეკის დირექტორი გიორგი კეკელიძე.

თბილისი, 16 აპრილი – Sputnk. საქართველოს პარლამენტის ეროვნულ ბიბლიოთეკაში კარანტინში მყოფი ასაკოვანი თანამშრომლების მხარდაჭერა და მათი პროდუქტებითა და აუცილებელი ნივთებით დახმარება გადაწყვიტეს.

„ყოველ კვირას, ჩემს მეგობრებთან ერთად, გურიაში სამ სოციალურად დაუცველ ოჯახს დავეხმარებით“>>

ამის შესახებ თავის ოფიციალურ Facebook-გვერდზე ბიბლიოთეკის დირექტორმა, მწერალმა, პოეტმა, პედაგოგმა და ტელეწამყვანმა გიორგი კეკელიძემ განაცხადა.

ბიბლიოთეკარების დახმარება გადაწყვიტეს თვითონ გიორგი კეკელიძემ, რომელიც პანდემიის დღეებში მოხალისედ მუშაობს, და მისმა აქტივისტმა მეგობრებმა.

კეკელიძის ფონდი ესპანეთში კორონავირუსით გარდაცვლილი საქართველოს მოქალაქის შვილს დაეხმარება>>

პროდუქტების მიღება ამ ადამიანებისგან 15 აპრილიდან დაიწყეს ბიბლიოთეკის 70 წელს გადაცილებულმა თანამშრომლებმა, ასევე მარტოხელებმა და სპეციალური საჭიროებების მქონე ადამიანებმა.

წვეთოვანი პროცედურის დროს - Sputnik საქართველო
ეროვნული ბიბლიოთეკა სისხლის დონორებს მიიღებს

მოხალისეები უსაფრთხოების ყველა წესს მკაცრად იცავენ – არიან დამცავ ნიღბებში, ხელთათმანებში და იცავენ დისტანციას.

„იმ თანამშრომლებს, მათ შორის რამდენიმე ყოფილ ბიბლიოთეკარს, ვინც ახლა თბილისს გარეთ იმყოფება, ჩვენი სახელდახელო ფონდიდან პერიოდულად თანხას დავურიცხავთ. ასე გავიტანთ ერთმანეთს“, – წერს კეკელიძე.

ამ დროისთვის საქართველოში კორონავირუსი დაუდგინდა 336 მოქალაქეს, გამოჯანმრთელდა 74 ადამიანი, გარდაიცვალა – სამი. კარანტინში იმყოფება 5 ათასი ადამიანი, ხოლო სტაციონარებში დაკვირვების ქვეშ 494 პაციენტია.

ყველა ახალი ამბავი
0