Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

იუსტიციის სამინისტრომ დაბადებისა და გარდაცვალების მოწმობების გაცემა განაახლა

© photo: Sputnik / Stringerიუსტიციის სახლი
იუსტიციის სახლი - Sputnik საქართველო
გამოწერა
მანამდე სახელმწიფო სერვისების განვითარების სააგენტომ პირადობის ელექტრონული მოწმობისა და ბიომეტრიული პასპორტის გაცემაც განაახლა.

თბილისი, 10 აპრილი — Sputnik. სახელმწიფო სერვისების განვითარების სააგენტომ დაბადებისა და გარდაცვალების მოწმობების გაცემა განაახლა, ნათქვამია უწყების განცხადებაში.

აღნიშნული დოკუმენტების მიღების მსურველებმა სახელმწიფო სერვისების განვითარების სააგენტოს ვებ-გვერდზე sda.gov.ge ან პორტალზე my.gov.ge სპეციალური ელექტრონული ფორმა უნდა შეავსონ. 

იუსტიციის სახლი - Sputnik საქართველო
სერვისების განვითარების სააგენტო პირადობის მოწმობისა და პასპორტის გაცემას განაახლებს

ამის შემდეგ უნდა დაუკავშირდნენ სააგენტოს დისტანციურ სამსახურს სკაიპის ოფიციალურ მისამართზე – sda.gov.ge. განაცხადის დარეგისტრირება ვიდეოგასაუბრებით მოხდება. მომხმარებელი დოკუმენტის ელექტრონული ასლის მიღებას პორტალ my.gov.ge-ს ან sda.gov.ge-ს ვებ-გვერდის საშუალებით შეძლებს, ხოლო მზა დოკუმენტს, საჭიროების შემთხვევაში, ფოსტის საშუალებით მიიღებს.  

ადრე სახელმწიფო სერვისების განვითარების სააგენტომ განაახლა პირადობის ელექტრონული მოწმობისა და ბიომეტრიული პასპორტის გაცემაც. თუმცა, ქვეყანაში მოქმედ საგანგებო მდგომარეობასთან დაკავშირებით დოკუმენტების გაცემის პროცედურაში გარკვეული ცვლილებები შევიდა.

პირადობის დამადასტურებელი მოწმობისა და პასპორტის დაჩქარებული წესით მიღება არ მოხდება, დოკუმენტების გაცემა სტანდარტულ, 10-დღიან ვადაში მოხდება.

მან, ვისაც ბიომეტრიული პასპორტი ერთხელ უკვე ჰქონდა აღებული და ახლის აღება სურს, განაცხადი უნდა დატოვოს ვებ-გვერდებზე my.gov.ge ან sda.gov.ge. მზა დოკუმენტი დაინტერესებულ პირს ფოსტით გაეგზავნება.

ყველა ახალი ამბავი
0