Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

„ლიფი შეუხსნა...“- კარანტინში ქალი ექიმმა სექსუალურად შეავიწროვა? - სამინისტროს განცხადება

CC0 / Pixabay / ქალის შევიწროება
ქალის შევიწროება - Sputnik საქართველო
გამოწერა
უფლებადამცველი ორგანიზაციის ხელმძღვანელი ბაია პატარაია ამტკიცებს, რომ მათი დაცვის ქვეშ მყოფი ქალი საკარანტინო დაწესებულებაში სექსუალური შევიწროების მსხვერპლი გახდა.

თბილისი, 9 აპრილი — Sputnik. სექსუალურ შევიწროებაში ბრალდებული პირი არ არის ჯანდაცვის სამინისტროს ან/და საგანგებო სიტუაციების კოორდინაციისა და გადაუდებელი დახმარების ცენტრის თანამშრომელი, აღნიშნულია განცხადებაში, რომელსაც ჯანდაცვის სამინისტრო ავრცელებს.

ჭრელი აბანო - Sputnik საქართველო
ესპანელი ტურისტი „ჭრელი აბანოების“ მექისეს სექსუალურ შევიწროებაში ადანაშაულებს

უწყების ინფორმაციით, სამინისტრო, შესაბამის ორგანოებთან ერთად, მოახდენს აღნიშნული საკითხის მუდმივ მონიტორინგს და შემდგომ რეაგირებას გამოძიების შედეგის შესაბამისად.

ქალთა უფლებების დაცვის ორგანიზაცია „საფარის“ ხელმძღვანელმა ბაია პატარაიამ საკარანტინო სივრცეში მყოფ ერთ-ერთ ქალზე ინფორმაცია გუშინ გაავრცელა. მისი თქმით, კარანტინში ექიმის მხრიდან სექსუალური შევიწროების ფაქტი დაფიქსირდა. პატარაის განცხადებით, შევიწროების მსხვერპლმა ქალმა ანონიმურად დარჩენა ისურვა.

სოფო შევარდნაძე - Sputnik საქართველო
„სექსუალური შევიწროების მსხვერპლი ბაბუაჩემის პრეზიდენტობის დროსაც ვიყავი“– სოფო შევარდნაძე

„კარანტინში იყო მოთავსებული ახალგაზრდა ქალი, რომელიც შეამოწმა ექიმმა. რეალურად, სექსუალურ შევიწროებას ჰქონდა ადგილი. კერძოდ, ექიმმა ამ ქალს მოსთხოვა, რომ გაეხადა ფილტვების მოსასმენად. ამ გოგონამ უარი განაცხადა სრულ გაშიშვლებაზე. მას შემდეგ, რაც ფილტვებს მოუსმინა და ლიფი შეუხსნა, ექიმმა პაციენტს მოსთხოვა დაწოლილიყო, რათა მისთვის სახსრები გაესინჯა. ამ პროცესში, როდესაც „სახსრებს უსინჯავდა”, არაერთხელ ჰქონდა ადგილი ძალიან არასასიამოვნო შეხებას”, – განაცხადა პატარაიამ.

ბაია პატარაიას თქმით, შემთხვევის შესწავლა დაიწყო სახალხო დამცველმა, გამოიკითხა ექიმი, რომელმაც დაადასტურა კარანტინში მოთავსებული ქალის „ასეთი გასინჯვის ფაქტი”.

ამერიკელი სუპერმოდელი ბელა ჰადიდი - Sputnik საქართველო
მსოფლიოს ულამაზესი ქალი ხელძღვანელობის მხრიდან სექსუალურ შევიწროებას ითმენს

ქვეყანაში ამ დროისათვის 214 ინფიცირებულია, გამოჯანმრთელდა 50 ადამიანი, გარდაიცვალა – 3, კარანტინის რეჟიმში იმყოფება 4559, ხოლო სტაციონარებში დაკვირვების ქვეშ 353 პაციენტია.

საგანგებო მდგომარეობა კორონავირუსის პანდემიასთან დაკავშირებით საქართველოში 21 მარტს გამოცხადდა და ის 21 აპრილამდე გაგრძელდება.

31 მარტიდან კი ქვეყნის მთელ ტერიტორიაზე კარანტინის რეჟიმი მოქმედებს. შემოღებულია ასევე კომენდანტის საათი 21:00 საათიდან დილის 06:00 საათამდე.

ყველა ახალი ამბავი
0