Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

შესაძლებელია თუ არა კორონავირუსით ხელმეორედ დაინფიცირება – გამყრელიძის განმარტება

© Pixabay / Engin_Akyurtლაბორატორია
ლაბორატორია - Sputnik საქართველო
გამოწერა
დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, ხელმეორედ დაინფიცირების რისკი არსებობს, მაგრამ ეს რისკი დაბალია.

თბილისი, 8 აპრილი – Sputnik. კორონავირუსით ხელმეორედ დაინფიცირების რისკი ჯერჯერობით დაბალია, რადგან დაავადებას მხოლოდ სამი თვის ისტორია აქვს, განაცხადა დაავადებათა კონტროლის ეროვნული ცენტრის ხელმძღვანელმა ამირან გამყრელიძემ.

ამ დროისთვის საქართველოში ახალი კორონავირუსით დაინფიცირების 196 დადასტურებული შემთხვევაა. აქედან გამოჯანმრთელდა 46, გარდაიცვალა – 3, კარანტინში იმყოფება 4674 ადამიანი, ხოლო სტაციონარებში მეთვალყურეობის ქვეშ 362 პაციენტია.

ამირან გამყრელიძე - Sputnik საქართველო
ამირან გამყრელიძე მიმდინარე კვირის ბოლოს კორონავირუსის 400-მდე შემთხვევას ვარაუდობს

„კორონავირუსით ხელმეორედ დაინფიცირებასთან დაკავშირებით მკაცრი რეკომენდაციები ჯერჯერობით არ არსებობს. ე.წ. რეინფექცია, ანუ ხელმეორედ დაინფიცირების რისკი ჯერჯერობით დაბალია, ვინაიდან დაავადებას მხოლოდ სამი თვის ისტორია აქვს. გრიპის დროს, რომელიც ძალიან ჰგავს კორონავირუსს თავისი კლინიკით, რეინფექციის რისკი დაბალია იმიტომ, რომ დაავადება ტოვებს იმუნიტეტს. რა თქმა უნდა, რისკი არსებობს, მაგრამ ის არაა მაღალი“, – განაცხადა გამყრელიძემ.

საქართველოში კორონავირუსით ინფიცირების პირველი შემთხვევა 26 თებერვალს დაფიქსირდა. ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა.

ცერცვაძე: კორონავირუსით ინფიცირებულთა რაოდენობა არ გადააჭარბებს 1000-ს>>

საგანგებო მდგომარეობა კორონავირუსის პანდემიასთან დაკავშირებით საქართველოში 21 მარტს გამოცხადდა და ის 21 აპრილამდე გაგრძელდება. 31 მარტიდან ქვეყნის მთელ ტერიტორიაზე კარანტინის რეჟიმიც მოქმედებს. შემოღებულია ასევე კომენდანტის საათი 21:00 საათიდან დილის 06:00 საათამდე.

ყველა ახალი ამბავი
0