Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

ქართული დიპმისიები ჩვენს თანამემამულეებს ევროპაში საცხოვრებლებით და საკვებით ეხმარებიან

© photo: Sputnik / Stringerსაქართველოს საგარეო საქმეთა სამინისტრო
საქართველოს საგარეო საქმეთა სამინისტრო - Sputnik საქართველო
გამოწერა
საფრანგეთსა და ესპანეთში მოქმედი საქართველოს დიპლომატიურმა მისიებმა ითავეს იმ თანამემამულეების დახმარება, რომლებიც სამშობლოში დროულად ვერ დაბრუნდნენ

თბილისი, 26 მარტი – Sputnik. საქართველოს მოქალაქეები, რომლებიც კორონავირუსის პანდემიისა და ქვეყნებს შორის ავიამიმოსვლის შეჩერების გამო საფრანგეთიდან და ესპანეთიდან სამშობლოში დროულად ვერ დაბრუნდნენ, ადგილობრივი საელჩოების დახმარებით დროებითი საცხოვრებლითა და პირველადი საჭიროების საგნებით უზრუნველყვეს, აცნობეს „Sputnik-საქართველოს“ საგარეო საქმეთა სამინისტროში.

„წითელი ხიდი“ აზერბაიჯანის საზღვარზე მუშაობის საათებს ამცირებს >>

საფრანგეთის საელჩომ საქართველოში საცხოვრებლით უზრუნველყო ის მოქალაქეები, რომლებიც გაუქმებული რეისის გამო პარიზიდან ვერ დაბრუნდნენ.

ასევე, ბარსელონაში საელჩომ და გენერალურმა საკონსულომ უზრუნველყო საცხოვრებლით, პროდუქტებით და პირველადი საჭიროების საგნებით საქართველოს ის მოქალაქეები, რომლებმაც ესპანეთიდან გამოფრენა ვერ მოასწრეს.

დიპლომატიური წარმომადგენლობა ასევე დაეხმარა ქართველ სტუდენტებს საქართველოს მიმართულებით მოსახერხებელი რეისის მოძებნაში.

საელჩო და საკონსულო მუდმივ კომუნიკაციაშია საქართველოს მოქალაქეებთან, რომლებიც კორონავირუსით არიან ინფიცირებული. შეძლებისდაგვარად მათ ექიმები სატელეფონო კონსულტაციებს უწევენ.

საქართველოს საგარეო საქმეთა სამინისტრო - Sputnik საქართველო
ნიდერლანდებში და გერმანიაში დარჩენილ ქართველებს საელჩოები საცხოვრებლით უზრუნველყოფენ

საქართველოს მოქალაქეებისთვის დახმარების ყველა ხარჯს საელჩოები საკუთარ თავზე იღებენ. ამ დროისათვის დახმარება რამდენიმე ათეულ ადამიანს გაეწია.

კორონავირუსის პანდემიასთან დაკავშირებით საქართველოს საკონსულოები უცხოეთში 24-საათიან რეჟიმში მუშაობენ.

საგარეო საქმეთა სამინისტრო ყოველდღიურად ატყობინებს მოქალაქეებს ჩარტერული რეისების შესახებ, რომლებიც მათი სამშობლოში დასაბრუნებლად კვირაში რამდენჯერმე ხორციელდება.

21 მარტიდან საქართველომ სრულად შეწყვიტა საჰაერო მიმოსვლა. ფრენები შესრულდება მხოლოდ საქართველოს მთავრობის გადაწყვეტილებით და მხოლოდ საქართველოს ავიახაზების მიერ. უცხოეთიდან ჩამოსული ყველა მოქალაქე სავალდებულო ორკვირიან კარანტინში თავსდება.

სომხეთ-საქართველოს საზღვარი - Sputnik საქართველო
„სახლში გვინდა“ - ასობით რუსეთის მოქალაქე საქართველო-სომხეთის საზღვარზეა ჩარჩენილი

საგარეო საქმეთა სამინისტრო ვერ ახორციელებს უცხოეთიდან გარდაცვლილი თანამემამულეების ცხედრების გადმოსვენების პროცედურას. ჯანმოს ეს მოთხოვნა ყველა ქვეყანას ეხება. საგარეო პოლიტიკური უწყების ეს განცხადება უკავშირდება ესპანეთში საქართველოს სამი მოქალაქის კორონავირუსით გარდაცვალებას.

18 მარტიდან საქართველომ ორი კვირით დაკეტა საზღვრები უცხო ქვეყნის მოქალაქეებისთვის, განსაკუთრებული შემთხვევების გარდა.

16 მარტიდან ასევე დროებით შეწყვეტილია მოქალაქეთა გადაადგილება საქართველოსა და რუსეთს შორის. აღნიშნული გადაწყვეტილება არ ვრცელდება საქართველოს და რუსეთის იმ მოქალაქეებზე, რომლებსაც სამშობლოში დაბრუნება სურთ და ასევე არ ეხება სატვირთო გადაზიდვებს.

ყველა ახალი ამბავი
0