ცოტა ხნის წინ დადასტურებული კორონავირუსის სამი შემთხვევა არ არის მეოთხეული გადაცემა

© Sputnik / Alex Shlamovქალი სამედიცინო ნიღბითა და ხელთათმანებით
ქალი სამედიცინო ნიღბითა და ხელთათმანებით - Sputnik საქართველო
გამოწერა
საქართველოს მთავრობამ 21 მარტს ქვეყანაში გამოაცხადა საგანგებო მდგომარეობა, ხოლო 23  მარტს – კარანტინი მარნეულისა და ბოლნისის რაიონებში.

თბილისი, 24 მარტი - Sputnik. ცოტა ხნის წინ დადასტურებული სამი შემთხვევა არ არის მეოთხეული გადაცემა, განაცხადა  ჯანდაცვის მინისტრის პირველმა მოადგილემ თამარ გაბუნიამ.

თენგიზ ცერცვაძე - Sputnik საქართველო
ცერცვაძე: უახლოეს დღეებში ინფიცირებულთა მნიშვნელოვანი მატება იქნება

24 მარტის მონაცემებით, საქართველოში კორონავირუსით ინფიცირებულთა რაოდენობამ 70 ადამიანს მიაღწია. მათ შორის გამოჯანმრთელებულია 9. საკარანტინო სივრცეში იმყოფება 4055, სტაციონარში მეთვალყურეობის ქვეშ კი 252 ადამიანია.

„ცოტა ხნის წინ დადასტურებული სამ შემთხვევა ცნობილ კონტაქტებს უკავშირდება. ამ ეტაპზე დეტალური ინფორმაცია არ მაქვს, კონკრეტულად ვის უკავშირდება, თუმცა, მიმდინარეობს ეპიდემიოლოგიური შესწავლა და მოგვიანებით ესეც გვეცოდინება. ეს არ არის მეოთხეული გადაცემა, რადგან ეს არის კონტაქტების ჯგუფში ჩატარებული შედეგები და ჯერ კვლავ ვრჩებით ცნობილი კლასტერების ფარგლებში“, – განაცხადა გაბუნიამ.

მინისტრის მოადგილემ იმ 50-მდე საეჭვო ნიმუშის პასუხებზეც ისაუბრა, რომელიც მარნეულიდან თბილისში ჯანმრთელობის მძიმე მდგომარეობით გადმოყვანილი პაციენტის კონტაქტებს უკავშირდება.

„გუშინ, ორმოცი შემთხვევიდან ოთხი იყო მარნეულის კლასტერთან დაკავშირებული დადებითი შემთხვევა. დანარჩენის კვლევები მიმდინარეობს და როცა ყველა კონტაქტის გამოკვლევა დასრულდება, საბოლოოდ, ეპიდემიის გავრცელების რისკების შესაფასებლად უკეთესი სურათი გვექნება“, – განაცხადა გაბუნიამ.
პაატა იმნაძე - Sputnik საქართველო
პაატა იმნაძე: კორონავირუსით ინფიცირებული კიდევ რამდენიმე პაციენტი გასაწერად ემზადება

როგორც თამარ  გაბუნიამ აღნიშნა, კონტაქტების გამოკვლევა მაქსიმალური სიზუსტით ხდება, მაგრამ რა თქმა უნდა, არსებობს თეორიული ალბათობა, რომ რომელიმე კონტაქტი მიუკვლეველი დარჩეს.

„კონტაქტებს შორის რისკის დონე განსხვავებულია. ყველაზე მაღალი რისკის არის მჭიდრო, ახლო კონტაქტები. აქ საუბარია ოჯახის წევრებზე და იმ პირებზე, ვინც დაინფიცირებულ ადამიანთან დიდ დროს ატარებს. პირველი რიგის კონტაქტების შესწავლა მაქსიმალურად სრულად ხდება და ამ მხრივ, რისკები ბოლომდე მართულია“, – განაცხადა თამარ გაბუნიამ.

საქართველოს მთავრობამ 21 მარტს ქვეყანაში გამოაცხადა საგანგებო მდგომარეობა, ხოლო 23  მარტს – კარანტინი მარნეულისა და ბოლნისის რაიონებში.  აღნიშნული გადაწყვეტილება საქართველოში კორონავირუსის გამოვლენის ერთ-ერთ ბოლო შემთხვევას უკავშირდება – მარნეულის მკვიდრს, რომელიც რამდენიმე დღის წინ დედის დაკრძალვაზე და ქელეხზეც იმყოფებოდა, ვირუსით ინფიცირება დაუდასტურდა. ქელეხზე რამდენიმე ათეული ადამიანი იმყოფებოდა. ინფექციის წყარო კი ჯერჯერობით დადგენილი არ არის.

ყველა ახალი ამბავი
0