ზუგდიდში ხვალიდან მუნიციპალური ტრანსპორტი უფასო იქნება

© Sputnik / Alex ShlamovПассажиры едут в автобусе в масках. В Грузии борются с коронавирусом
Пассажиры едут в автобусе в масках. В Грузии борются с коронавирусом - Sputnik საქართველო
გამოწერა
24 მარტის მონაცემებით, საქართველოში კორონავირუსით ინფიცირებულთა რაოდენობამ 70  ადამიანს მიაღწია. მათ შორის გამოჯანმრთელებულია 9.

თბილისი, 24 მარტი - Sputnik. ხვალიდან, 25 მარტიდან მუნიციპალური ტრანსპორტი მოქალაქეებს უფასოდ მოემსახურება, განაცხადა ზუგდიდის მუნიციპალიტეტის მერმა, გიორგი შენგელიამ დღეს გამართულ ბრიფინგზე.

 მისი განცხადებით, ზუგდიდის მერიამ აღნიშნული გადაწყვეტილება მგზავრებისა და მძღოლების უსაფრთხოების მიზნით მიიღო.

„ვინაიდან არ გვაქვს უკონტაქტო გადახდა, მგზავრები თანხას იხდიან ნაღდი ფულით, ეს იწვევს ინფექციის გავრცელების რისკს, გადავწყვიტეთ საგანგებო მდგომარეობის პირობებში, მოქალაქეებს მოვემსახუროთ უფასოდ“, – განაცხადა გიორგი შენგელიამ.
მორწმუნეები ტაძარში - Sputnik საქართველო
ქართული ეკლესიის დასავლეთ ევროპული ეპარქია ღვთისმსახურებას მრევლის გარეშე ჩაატარებს

ზუგდიდის მუნიციპალიტეტის მერმა მოუწოდა მოსახლეობას მხოლოდ აუცილებელი საჭიროებიდან გამომდინარე გადაადგილდნენ.

ახალი რეგულაციების მიხედვით, სოფლების მიმართულებით ბოლო რეისი 18:00 საათზე შესრულდება.

ტრანსპორტში მოქალაქეების რაოდენობას შესაბამისი სამსახური გააკონტროლებს. ასევე, ხვალიდან მუნიციპალიტეტის საბავშვო ბაღებში დაიწყება საკვების დარიგება, რომელიც განხორციელდება რეკომენდაციების სრული დაცვით.

24 მარტის მონაცემებით, საქართველოში კორონავირუსით ინფიცირებულთა რაოდენობამ 70  ადამიანს მიაღწია. მათ შორის გამოჯანმრთელებულია 9. საკარანტინო სივრცეში იმყოფება 4055, სტაციონარში მეთვალყურეობის ქვეშ კი 252 ადამიანია.

საქართველოს მთავრობამ 21 მარტს ქვეყანაში გამოაცხადა საგანგებო მდგომარეობა, ხოლო 22 მარტს – კარანტინი მარნეულისა და ბოლნისის რაიონებში. მარნეულში გამოვლინდა კორონავირუსით დაავადებული ქალი, რომლის დაინფიცირების წყარო ვერ დადგინდა.

ყველა ახალი ამბავი
0