მარნეულელი ქალის ოჯახის ოთხ წევრს კორონავირუსი დაუდგინდა – პაატა იმნაძე

© Sputnik / Alexander Imedashviliსასწრაფო დახმარების მანქანა
სასწრაფო დახმარების მანქანა - Sputnik საქართველო
გამოწერა
მარნეულში კორონავირუსით ინფიცირებული ქალი 15-სულიან ოჯახში ცხოვრობს. ქალი მარნეულიდან თბილისის კლინიკაში გადაიყვანეს.

თბილისი, 24 მარტი — Sputnik. მარნეულში კორონავირუსით ინფიცირებული ქალის ოჯახის ოთხ წევრს კორონავირუსი დაუდგინდა. განცხადება დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის მოადგილემ პაატა იმნაძემ უწყებათშორისი საკოორდინაციო საბჭოს სხდომის შემდგომ გააკეთა.

ლაბორატორია - Sputnik საქართველო
უკვე 67: საქართველოში კორონავირუსით ინფიცირების კიდევ ერთი შემთხვევა დადასტურდა

„ძალიან მნიშვნელოვანია ის, რომ არც ერთი დამატებული შემთხვევა, რაც დღეს ქვეყანაში გამოვლინდა, ახალი კლასტერები არ არის. ეს არის ოთხი ადამიანი მარნეულიდან, იმ ქალბატონის ოჯახის წევრები, რომელიც ამჟამად თბილისშია ჰოსპიტალიზებული, ანუ ეს გახლავთ ძალიან ახლო და მჭიდრო კონტაქტები“, – განაცხადა პაატა იმნაძემ.

მარნეულელი პაციენტი თავდაპირველად ადგილობრივ „ჯეო ჰოსპიტალსის“ კლინიკაში იყო მოთავსებული. ამიტომ კორონავირუსზე შემოწმება „ჯეო ჰოსპიტალსის“ 20-მა ექიმმა და პაციენტმა გაიარა. ჯანდაცვის მინისტრის მოადგილის თამარ გაბუნიას განცხადებით, თავად ეს ქალი 15-სულიან ოჯახში ცხოვრობს.

აეროპორტი - Sputnik საქართველო
კორონავირუსით ინფიცირებული ავსტრიელი პილოტი სამშობლოში სპეცრეისით გაფრინდა

საქართველოს ხელისუფლებამ 21 მარტიდან 21 აპრილამდე ქვეყანაში საგანგებო მდგომარეობა გამოაცხადა. 23 მარტს კი მარნეულისა და ბოლნისის მუნიციპალიტეტებში კარანტინი გამოცხადდა.

24 მარტის მონაცემებით, საქართველოში კორონავირუსით ინფიცირებულთა რაოდენობამ 67-ს მიაღწია, გამოჯანმრთელდა 9, კარანტინში იმყოფება 4055 მოქალაქე, სტაციონარებში მეთვალყურეობის ქვეშ – 252.

ყველა ახალი ამბავი
0