თბილისი, 20 მარტი – Sputnik. მწერალი და ჟურნალისტი ეკატერინე ტოგონიძე მეუღლის რატი სამყურაშვილის მძიმე დაავადების წინააღმდეგ იბრძვის. ამის შესახებ თავად წერს სოციალურ ქსელში.
„ნაციონალური მოძრაობის“ ერთ-ერთი სახე რატი სამყურაშვილი და ეკა ტოგონიძე მრავალი წელია დაქორწინებული არიან, მათ ერთი ქალიშვილი ჰყავთ. სოციალურ ქსელში ეკას მეგობრები აღფრთოვანებას გამოხატავენ, თუ როგორ იბრძვის თავდადებით საყვარელი ადამიანისთვის მწერალი.
„ჩემს დაბადების დღეზე ვისურვებ და გისურვებთ ჯანმრთელობას. იმ სიფხიზლეს თუ ძალას, რომელიც ჩვენს საოცარ ცხოვრებაში პატარა თუ დიდ სასწაულებს აღგვაქმევინებს. მადლობა 38-ს ამ უზარმაზარი გამოცდილებისთვის, რომელიც თავს დამატყდა, მაგრამ არ გაგვსრისა და რაღაცა გაძლიერებული პროგრამით დაგვასწავლა მთელი ცხოვრების სამყოფი მასალა. მისურვეთ რატი. რატი=სიცოცხლის გამარჯვებას”, – წერს მწერალი.