თვითიზოლაციის რეჟიმის დარღვევის გამო საკარანტინო ზონებში კიდევ 13 ადამიანი მოათავსეს

© Sputnik / Alexander Imedashviliნიღბიანი ქალი და პოლიციელი
ნიღბიანი ქალი და პოლიციელი - Sputnik საქართველო
გამოწერა
თვითიზოლაციის წესების დარღვევის გამო პოლიციამ საკარანტინო ზონებში იძულების წესით ჯამში 55 ადამიანი გადაიყვანა.

თბილისი, 16 მარტი – Sputnik. შინაგან საქმეთა სამინისტრომ თვითიზოლაციის წესების დარღვევისთვის იძულებით კარანტინში კიდევ 13 ადამიანი გადაიყვანა, ნათქვამია უწყების განცხადებაში.

თვითიზოლაციის წესების დარღვევის კიდევ 13 ახალი ფაქტი ბოლო 24 საათის განმავლობაში გამოვლინდა ერთობლივი მონიტორინგის შედეგად, რომელსაც უწყება დაავადებათა კონტროლის ეროვნულ ცენტრთან ერთად ახორციელებს.

საპყრობილე - Sputnik საქართველო
საქართველოს პენიტენციურმა დაწესებულებებმა კონტროლი გაამკაცრეს

ყველა მოქალაქე, რომელმაც შიდა ქართლში, ქვემო ქართლში, აჭარის, გურიის, მცხეთა-მთიანეთისა და იმერეთის რეგიონებში თვითიზოლაციის წესები დაარღვია, საკარანტინო ზონაში იძულებით არის გადაყვანილი.

ბოლო დროს თვითიზოლაციის წესების დარღვევის გამო საკარანტინო ზონებში ჯამში 55 ადამიანია იძულებით გადაყვანილი.

შინაგან საქმეთა სამინისტრო მოუწოდებს მოსახლეობას, გამოიჩინონ მაღალი საზოგადოებრივი პასუხისმგებლობა და დაემორჩილონ შემოღებულ რეგულაციებს.

18 მარტიდან საქართველოს საზღვრის გადმოკვეთა ორი კვირით იკრძალება>>

დღევანდელი მონაცემებით, საქართველოში კორონავირუსით ინფიცირების 33 შემთხვევაა დაფიქსირებული. კარანტინში 637 ადამიანია, სტაციონარებში კი 54 პაციენტია მოთავსებული.

ყველა ახალი ამბავი
0