პროდიუსერი ბაბუა პირველად გახდა. კახა მამულაშვილს ორი შვილი ჰყავს. პირველი ქორწინებიდან უფროსი ვაჟი და ქალიშვილი ლელა წურწუმიასგან. ქართველი პოპ-დივა და მისი პროდიუსერი მრავალი წელია დაქორწინებული არიან. მათი ცალ-ცალკე ნახვა წარმოუდგენელია. პროდიუსერი კახა მამულაშვილი ბაბუა 2018 წელს გახდა. ამის შესახებ „მამულიჩამ“ მეგობრებს ფეისბუქის პირადი გვერდიდან ახარა.
მის უფროს ვაჟს ნიკოლოზ მამულაშვილს, რომელიც პროდიუსერს პირველი მეუღლისგან ჰყავს, ვაჟი შეეძინა. „09.08.2018 ალექსანდრე ნიკოლოზის ძე მამულაშვილი. ამ ქვეყანას პატარა მამულიჩა მოევლინა“, – წერდა მაშინ კახა მამულაშვილი. ალექსანდრეს მოფერებით ალეს ეძახიან.
ცნობილი პროდიუსერი და პოპ-დივას მეუღლე შვილიშვილის ფოტო-ვიდეოებს ხშირად აქვეყნებს. ამჯერად ბაბუამ პატარა ალექსანდრეს ვარცხნილობა შეუცვალა და სურათი საკუთარ გვერდზე განათავსა. „თმა შევიკრიჭეთ“ – ასე წააწერა პროდიუსერმა შვილიშვილის სასაცილო სურათს. კომენტარებში ლელასა და მამულიჩას თაყვანისმცემლების პოზიტიური გამოხმაურებები არ წყდება. ოჯახის წევრები და მეგობრები პატარა ალეს ბაბუას ადარებენ. „ძალიან გავს მამულიჩას... და ვინ არის მამულიჩასი ეს საყვარელი ბავშვი?“; „პატარა "მამულიჩა", რა საოცრებაა...“; „ბაბუას რა მაგრად ჰგავს!“ – ასე ეხმაურებიან პოპულარულ პროდიუსერს „ფოლოვერები“.