ტელეწამყვანი ნანუკა ჟორჟოლიანი ექსპერიმენტებს არასდროს ერიდება. მისი იმიჯი დროსთან ერთად ბევრჯერ შეიცვალა. ნანუკას ხან წითელი, ხან ყავისფერი, ხანაც ქერა თმა ჰქონდა. ამჯერად ჟურნალისტმა ისევ სილამაზის სალონს მიაშურა და სოციალური ქსელის მომხმარებლებს დახმარება სთხოვა. როგორც ჩანს, ტელეწამყვანი ექსპერტიმენტის ჩატარებას აპირებდა, თუმცა „სთორიზე“ ჩატარებული გამოკითხვის შემდეგ არჩევანი კვლავ ქერა თმაზე შეაჩერა. თუმცა ყავისფერ და ჟღალ თმაშიც არაჩვეულებრივად გამოიყურება.
პოპულარულმა ჟურნალისტმა „რუსთავი 2“-ის დატოვების შემდეგ ახალ „მთავარ არხზე“ გადაინაცვლა. მან „ნანუკა ჟორჟოლიანის შოუ“ „მთავარ არხზე“ არ დააბრუნა და ახალი სოციალური გადაცემა „სხვა ნანუკა“ დაიწყო. ახალ არხზე გადასული ნანუკა მაყურებლის წინაშე პირდაპირ ეთერში წარდგა, რასაც ტექნიკასთან დაკავშირებული სხვადასხვა სირთულეები დაერთო. მიუხედავად ამისა, პირველივე ეთერის შემდეგ ნანუკა ჟორჟოლიანი არც ისე დაბალი რეიტინგით გამოირჩევა.
ნანუკა ჟორჟოლიანი სახელმწიფო ოპერატიული დაცვის დეპარტამენტის (სოდის) ყოფილ უფროსს ერეკლე კოდუას რამდენიმე წლის წინ დაშორდა. ამ უკანასკნელმა უნგრეთში უკრაინელი ცოლი ერთი წლის წინ მოიყვანა. ტელეწამყვანს ერეკლესთან ვაჟი – საბა კოდუა ჰყავს.
