სოციალურად დაუცველებს შემოწმების პერიოდში დახმარება აღარ შეუწყდებათ

© Sputnik / Alexander Imedashviliშემწეობის მთხოვნელი
შემწეობის მთხოვნელი - Sputnik საქართველო
გამოწერა
ამ დროისათვის სოციალური დახმარების პროგრამით დაახლოებით 430 ათასი ადამიანი სარგებლობს, რომლებსაც სოციალურ-ეკონომიკური მდგომარეობის გადამოწმების პერიოდში დროებით უჩერდებათ დახმარება.

თბილისი, 14 თებერვალი — Sputnik. სოციალურად დაუცველ ოჯახებს სოციალურ-ეკონომიკური მდგომარეობის გადამოწმების პერიოდში საარსებო შემწეობის მიღება არ შეუჩერდებათ, განაცხადა ჯანმრთელობის დაცვისა და სოციალურ საკითხთა კომიტეტის თავმჯდომარემ დიმიტრი ხუნდაძემ ბრიფინგზე.

იუსტიციის მინისტრი თეა წულუკიანი  - Sputnik საქართველო
წულუკიანი: მიწის დარეგისტრირების გამო სოციალურად დაუცველებს დახმარება აღარ შეუწყდებათ

ხუნდაძის განმარტებით, ამ დროისათვის სოციალური დახმარების პროგრამით დაახლოებით 430 ათასი ადამიანი სარგებლობს, რომლებსაც სოციალურ-ეკონომიკური მდგომარეობის გადამოწმების პერიოდში დროებით უჩერდებათ დახმარება. მართალია, შემდგომში მათ უდიდეს ნაწილს განაცდური სრულად უნაზღაურდება, მაგრამ შემოწმების პერიოდში „ისინი სიღარიბის პირისპირ ბედის ანაბარა რჩებიან“. 

„ჯანმრთელობის დაცვისა და სოციალურ საკითხთა კომიტეტი გამოდის ინიციატივით, რომ საარსებო შემწეობის მიმღებ ოჯახებს მათი სოციალურ-ეკონომიკური მდგომარეობის გადამოწმების პერიოდში არ შეუჩერდეთ საარსებო შემწეობის მიღება, შემდეგ კი, მინიჭებული სარეიტინგო ქულიდან გამომდინარე, პროგრამაში მათი მონაწილეობა გაგრძელდეს ან შეწყდეს“, — განაცხადა ხუნდაძემ.

მისი თქმით, ამისათვის დამატებით საჭიროა წელიწადში 5,4 მილიონი ლარი.

აღნიშნულ საკითხთან დაკავშირებით უკვე გაიმართა კონსულტაციები ქვეყნის ჯანდაცვის სამინისტროსთან და გადაწყვეტილება უკვე მიღებულია: ცვლილება მიმდინარე წლის აპრილიდან ამოქმედდება.

 

ყველა ახალი ამბავი
0