თბილისი, 12 თებერვალი — Sputnik. ქალაქი ქუთაისი, რომელიც საქართველოში სიდიდით მეორეა, ბუნებრივი აირის გარეშე დარჩა.
კომპანია SOCAR Georgia Gas-ის ინფორმაციით, მიზეზი ცენტრალურ გაზგამანაწილებელ ქსელში ავარიული შეფერხება გახდა. ბუნებრივი აირი არ მიეწოდება აბონენტების 60%-ს.
„ავარიული გათიშვაა. ვმუშაობთ, რომ ნახევარ საათში საავადყოფოებს, ციხეებს და სტრატეგიულ ობიექტებს გაზი მივაწოდოთ. მერე დავიწყებთ მოსახლეობაში გაზის მიწოდების აღდგენას",-განაცხადეს კომპანიაში.
კომპანია SOCAR Georgia Gas-ში ვარაუდობენ, რომ ბუნებრივი აირის მიწოდების სრულად აღდგენას ხვალ საღამომდე ვერ შეძლებენ, რადგან ავარიის დიდ მასშტაბზეა საუბარი. კომპანიის თანამშრომლები მთელ რეგიონში არიან მობილიზებული.
