მოდელი და მხატვარი ნანუკა გოგიჩაიშვილი ბავშვობიდან პოპულარობით სარგებლობს. ცნობილი ოჯახის ერთ-ერთი გამორჩეული წევრი რამდენიმე თვის წინ დაოჯახდა. მოდელის დაბადების დღეზე „ზარაფხანის“ მფლობელმა ნიკა ნაყოფიამ შეყვარებულს ხელი სთხოვა, რაზეც დადებითი პასუხი მიიღო. ეს ნიკასთვის მეორე ქორწინებაა. პირველი ქორწინება წარუმატებელი აღმოჩნდა. მან წლების წინ ცოლად „მის საქართველო 2008“ ხათუნა სხირტლაძე მოიყვანა. ქორწინების შემდეგ წყვილი ჰოლანდიაში გადავიდა საცხოვრებლად, მაგრამ ისინი მალე დაშორდნენ. ხათუნა სხირტლაძე მეორედ დაოჯახდა, ნიკოლოზ ნაყოფიამ კი „ზარაფხანის“ ბიზნესის განვითარება დაიწყო და საქმეს წარმატებით შეუდგა.
ახლადშექმნილი წყვილი ერთამენთს დიდ დროს უთმობს. ნანუკას სოციალური ქსელითა და ინტერვიუებით თუ ვიმსჯელებთ, თავბრუდამხვევი სასიყვარულო ისტორია სწრაფად განვითარდა. წყვილი ქორწილისთვის ემზადება, მაგრამ გოგიჩაიშვილების ქალიშვილი საქორწილო კაბის ამორჩევას ვერ ახერხებს. როგორც თავად წერს, მისი შესაფერისი სამოსი ჯერ ვერ იპოვა და არ არსებობს საქორწილო კაბა, რომელიც მას ოდესმე მოსწონებია. ამის შესახებ მოდელმა Instagram-ზე დაწერა. მას სხვადასხვა საინტერესო კითხვები „ფოლოვერებმა“ დაუსვეს.
ნანუკა და ნიკოლოზი ძვირადღირებულ კურორტებს იპყრობენ. რამდენიმე ხნის წინ წყვილი ამერიკაში აღმოჩნდა. ისინი ჩიკაგოში მოგზაურობენ. რომანტიკული ვიდეო ნანუკამ ოფიციალურ გვერდზე გამოაქვეყნა. ვიდეოში კარგად ჩანს ნანუკას და ნიკოლოზის მეგობრული და ძალიან თბილი დამოკიდებულება. ჩიკაგოს ერთ-ერთ ქუჩაში გადაღებულ ვიდეოს 13 ათასამდე ნახვა აქვს.
