თბილისი, 4 თებერვალი — Sputnik. წელს საქართველოს ეროვნულ არქივი 100 წლის იუბილეს იზეიმებს, იუწყება საზოგადოებრივი მაუწყებლის პირველი არხი.
1920 წლის 23 აპრილს საქართველოს პირველი დემოკრატიული რესპუბლიკის მთავრობის მიერ მიღებული კანონით დაარსდა პირველი საარქივო დაწესებულება – რესპუბლიკის ცენტრალური სამეცნიერო არქივი.
საიუბილეო თარიღთან დაკავშირებით, მომზადდა სპეციალური ლოგო. ამასთან, საქართველოს ეროვნული არქივის ინფორმაციით, საიუბილეო წელთან
ეროვნული არქივის 100 წლის იუბილეს მიეძღვნება ეროვნული არქივის მეხუთე საერთაშორისო კონფერენცია, რომელიც 24-26 სექტემბერს გაიმართება. ასევე სტუდენტური სამეცნიერო პროექტი პირველი რესპუბლიკის შესახებ და სასკოლო-საგანმანათლებლო პროექტი „საქართველოს პირველი რესპუბლიკა". ამასთან, UNESCO-სთან თანამშრომლობით საფუძველი ჩაეყრება სტუდენტურ საერთაშორისო კონფერენციას, რომლის გამართვაც 4-5 ნოემბერს იგეგმება.
საიუბილეო ღონისძიებების ფარგლებში გაიმართება გამოფენები: „საქართველოს პირველი რესპუბლიკის შეიარაღებული ძალები", „ერეკლე მეორე", „მეორე ინტერნაციონალის დელეგაციის ვიზიტის 100 წლის იუბილე", „წმინდა გიორგი" და სხვა.