თბილისი, 4 იანვარი — Sputnik. ჭიათურის რაიონის სოფელ მანდაეთში მცხოვრები ნოე მუმლაძისა და მარო ციცვიძე-მუმლაძისთვის ეს ახალი წელი განსაკუთრებული იყო - 1 იანვარს მათ 100 წელი შეუსრულდათ.
© photo : Givi Modebadze / FBჭიათურის მერი გივი მოდებაძე ულოცავს ახალ წელს და დაბადების დღეს 100 წლის ნოე მუმლაძეს
ჭიათურის მერი გივი მოდებაძე ულოცავს ახალ წელს და დაბადების დღეს 100 წლის ნოე მუმლაძეს
მუნიციპალიტეტის უხუცესებს იუბილე და ქორწინების 75 წლისთავი პირადად მიულოცა ჭიათურის მერმა გივი მოდებაძემ.
„იშვიათ და მნიშვნელოვან მოვლენასთან გვაქვს საქმე. ქალბატონი მარო და ბატონი ნოე ერთ დღეს არიან დაბადებულები და ორივეს, თანაცხოვრების 75 წლისთავზე, დღეს შეუსრულდა 100 წელი. მინდა მივულოცო მათ ეს თარიღი, ასევე ახალი წელი და ვუსურვო ჯანმრთელობა და სიხარული თავიანთ დიდ ოჯახთან ერთად. თანაცხოვრების 100 წელიც მოგველოცოს“, - განაცხადა გივი მოდებაძემ და წყვილს საჩუქრები გადასცა.
© photo : Givi Modebadze / FBჭიათურის მერი გივი მოდებაძე ულოცავს ახალ წელს და დაბადების დღეს 100 წლის მარო ციცვიძე-მუმლაძეს
ჭიათურის მერი გივი მოდებაძე ულოცავს ახალ წელს და დაბადების დღეს 100 წლის მარო ციცვიძე-მუმლაძეს
ნოესა და მაროს 5 შვილი, 11 შვილიშვილი და 15 შვილთაშვილი ჰყავთ.