თბილისი, 25 დეკემბერი — Sputnik. თბილისის მერმა კახა კალაძემ თბილისელები და დედაქალაქის სტუმრები საახალწლო ღონისძიებაზე – პირველი რესპუბლიკის მოედანზე ქვეყნის მთავარი ნაძვის ხის ანთების ცერემონიაზე მიიწვია.
საახალწლო ნაძვის ხის ანთების ცერემონია 25 დეკემბერს, 20:00 საათზე გაიმართება.
„მინდა მოვიწვიო ყველა, მიუხედავად პოლიტიკური შეხედულებებისა. მოდით, რაღაც დროით გვერდზე გადადეთ თქვენი პოლიტიკა. მოიყვანეთ თქვენი შვილები, შვილიშვილები“, – განაცხადა თბილისის მერმა.
მისი სიტყვებით, დღეიდან 13 იანვრის ჩათვლით, 12:00-დან 24:00 საათამდე პირველი რესპუბლიკის მოედანზე საახალწლო სოფელი იფუნქციონირებს. იქნება თეატრალური დადგმები, კონცერტები და გასართობი ღონისძიებები.
