დები გოგიჩაიშვილები ქართულ შოუ-ბიზნესში დიდი პოპულარობით სარგებლობენ. ჟურნალისტისა და ტელეწამყვანის ქალიშვილები თავადაც ძალიან წარმატებულები არიან. ორივე მოდელს უმაღლესი განათლება სხვადასხვა სფეროში აქვს მიღებული. აღსანიშნავია, რომ ნანუკას მხატვრის ნიჭი აღმოაჩნდა და მოდელმა ცოტა ხნის წინ შეუდარებელი ნახატების გამოფენა მოაწყო.
ნანუკა წლების მანძილზე სამოდელო ინდუსტრიაში მოღვაწეობდა. ახლა სამოდელო სფეროში მოდელს პაუზა აქვს აღებული, მიუხედავად ამისა ფოტოსესიებში მონაწილეობას ძველებურად ახერხებს. ნანუკას პირად ცხოვრებას უამრავი ადამიანი განიხილავდა. მათ მიმართ ყურადღება მის მერე გაიზარდა, რაც თბილისში ყველასათვის საყვარელი ტელეწამყვანის გიორგი გოგიჩაიშვილის ავადმყოფობის შესახებ ინფორმაცია გავრცელდა. მოგვიანებით, ოჯახმა გიორგი გოგიჩაიშვილის უკურნებელი სენი დაადასტურა.
ნანუკა და მისი ბიზნესმენი საქმრო ნიკა ნაყოფია ნიშნობის შემდეგ ერთად ხშირად მოგზაურობენ. წყვილის უახლეს ფოტოებს უამრავი ადამიანი დადებითი კომენტარებით ეხმაურება. აშკარაა, რომ ქართულ შოუ-ბიზნესში ნანუკას და ნიკას სახით კიდევ ერთი მოკაშკაშე, ვარსკვლავური წყვილი გამოჩნდა. ნიკა ნაყოფია სასურველი სასიძო აღმოჩნდა. წყვილი ურთიერთობას დიდი ხნის მანძილზე მალავდა. ნიკა ნაყოფიას ოჯახი „მადნეულისა“ და „კვარციტის“ აქციებს ფლობს. ნიკა 19 წლის ასაკიდან „კვარციტის“ კონსულტანტის თანამდებობაზე მუშაობდა და მისი შემოსავალი თვეში 220 000 ლარს შეადგენდა, რაც ამ თანამდებობისთვის ქვეყანაში უპრეცედენტო შემოსავალია. ნანუკა და ნიკა ერთად შეუდარებლად გამოიყურებიან.