თბილისი, 14 ოქტომბერი – Sputnik. სვეტიცხოვლობის დღესასწაულთან დაკავშირებით დღეს, 14 ოქტომბერს „საქართველოს რკინიგზამ“ მცხეთის მიმართულებით უფასო რეისები დანიშნა, ნათქვამია უწყების განცხადებაში.
„საქართველოს რკინიგზის“ ცნობით, პირველი მატარებელი დედაქალაქიდან 11:00 საათზე გავა და მცხეთაში იქნება 11:30 საათზე, ხოლო მცხეთიდან თბილისისკენ მატარებელი 11:50 საათზე გამოვა და თბილისში 12:20 საათზე შემოვა.
ასევე დანიშნულია მეორე რეისიც – მატარებელი 22:00 საათზე თბილისიდან გავა და ნახევარ საათში მცხეთაში იქნება, ხოლო იქიდან 22:50 საათზე გამოვა და 23:20 საათზე დედაქალაქში იქნება.
მატარებლებლები მცხეთაში ცენტრალური ვაგზლიდან იმოძრავებენ. გათვალისწინებულია დიდუბის ბაქანზე ორწუთიანი გაჩერება.
14 ოქტომბერს აღინიშნება დიდი რელიგიური დღესასწაული მცხეთობა–სვეტიცხოვლობა, რომელიც უკავშირდება ქრისტეს კვართსა და მირონმდინარე სასწაულმოქმედ ცხოველმყოფელ სვეტს.
