ლელას და მამულიჩას უამრავი მეგობარი ჰყავთ. ყველამ კარგად იცის, რომ მათი ერთად გამოჩენა პოზიტიურ განწყობას უკავშირდება. ლელას იუმორის გრძნობა და მეგრული გამჭრიახი გონება ბევრს ხიბლავს. მის ჰიტებზე ზედმეტია საუბარი. 20 წლის წინ შექმნილი მუსიკა დღესაც აქტუალურია. აღსანიშნავია, რომ პოპ-დივას არა მხოლოდ მისი თაობის, არამედ ახალგაზრდებიც დიდი სიამოვნებით უსმენენ. საკმარისია ლელას ერთ კონცერტს დაესწროთ, ამაში თავად დარწმუნებით.
მამულიჩა და ლელა მეგობრებთან ერთად აქტიურად ემზადებიან 4 ოქტომბრისთვის. სპორტის სასახლეს ლელა წურწუმიას სოლო კონცერტის უზარმაზარი ბანერი უკვე ამშვენებს. აღსანიშნავია, რომ ლელას სოლო კარიერა აქტიურ ფაზაში გადავიდა. მომღერალი ახალი ენერგიული შოუთი რეგიონებს ეწვია. ცნობილმა წყვილმა უახლესი ფოტო გამოაქვეყნა სოფელ მერეთიდან, სადაც სხვა პოპულარულ შემსრულებლებთან ერთად გორის მოსახლეობას ლამაზი მოგონებები დაუტოვეს. როგორც მამულიჩამ საკუთარ „ინსტაგრამის სთორიზე“ დაწერა, მერეთის მოსახლეობასთან ერთად „ღამის სიჩუმე გაფანტეს“ (ფრაზა ლელას მეგაჰიტიდან).
ლელა წურწუმია ქართველი პოპ-მომღერალია, რომელმაც პირველმა შესთავაზა ერთგულ მსმენელს კონცერტი სანახაობრივი ეფექტებით. გამოშვებული აქვს 12 ალბომი, გადაღებული აქვს 10 მუსიკალური ვიდეო. მისი ალბომი „სულელი წვიმა“ 2003 წლის ყველაზე მაღალტირაჟიან ალბომად დასახელდა. მიუხედავად კრიზისული პერიოდებისა, ის დღემდე არ კარგავს აქტუალობას.
