საზოგადოებისთვის უცნობია, თუ სად გაიცნეს ერთმანეთი ბერამ და ნანუკამ. სოციალურ ქსელში კი ცოლ-ქმარი დიდი აქტიურობითა და პოპულარობით გამოირჩევა. „ფორბსის“ მიერ გამოქვეყნებულ მილიარდერთა სიაში საქართველოდან მხოლოდ ბიძინა ივანიშვილი ირიცხება. „ქართული ოცნების“ ლიდერს ოთხი შვილი ჰყავს. მათ შორის საზოგადოებისთვის უფრო მეტად ცნობილი ბერა ივანიშვილია.
ბიძინა ივანიშვილისა და ეკატერინე ხვედელიძის ოთხი შვილიდან სამი ვაჟია და ერთი – ქალიშვილი. თითოეული მათგანი საზღვარგარეთ სწავლობს ან ცხოვრობს. უტა, ბერა, გვანცა და ცოტნე მუდამ საზოგადოების ყურადღების ცენტრში არიან. ბერას და ცოტნეს განსაკუთრებით მეგობრული და თბილი ურთიერთობა აკავშირებთ. ისინი სოციალურ ქსელში ერთად ხშირად ჩნდებიან. როგორც ჩანს, ბერა მას ინტენსიურად ავარჯიშებს და ხელოვნებისადმი სიყვარულს უღვივებს.
უკანასკნელი თვეების მანძილზე ცნობილი ქართველი მუსიკოსი მეუღლესთან ერთად ფოტოებს არ აქვეყნებს. თუმცა, რამდენიმე ხნის წინ მათმა საერთო სურათმა ბევრი უცხოელი და ადგილობრივი თაყვანისმცემელი გააერთიანა. ამ ფოტოზე ნანუკა გუდავაძეს მუცელი არ უჩანს, მაგრამ ყველამ კარგად იცის, რომ მომავალი პატარა ანგელოზის შესახებ წყვილმა აპრილში გაამხილა. მათ საერთო ფოტოს, სადაც ნანუკას და ბერას პატარა თეთრი წინდები უჭირავთ, 30 ათასამდე, ხოლო უახლეს ფოტოს, რომელსაც ბერამ დაურთო წარწერა „მან ერთი წლის წინ მითხრა „კი“ – 72 ათასამდე ნახვა აქვს. აშკარაა, რომ სოციალურ ქსელში ისინი ერთ-ერთ ცნობილ წყვილად ითვლებიან.