პარლამენტს საქართველოს ენერგეტიკისა და წყალმომარაგების მარეგულირებელი ეროვნული კომისიის თავმჯდომარის თანამდებობაზე დავით ნარმანიას კანდიდატურა წარედგინა.
სემეკ-ის თავმჯდომარის პოსტზე დავით ნარმანიას კანდიდატურა პრეზიდენტმა სალომე ზურაბიშვილმა წარადგინა. შეგახსენებთ, რომ სემეკ-ის წინა თავმჯდომარეს ირინა მილორავას უფლებამოსილების ვადა 16 სექტემბერს ამოეწურა.
დავით ნარმანია 2014 - 2017 წლებში თბილისის მერის თანამდებობას იკავებდა, ხოლო 2017 წლის 22 დეკემბერს ენერგეტიკისა და წყალმომარაგების მარეგულირებელი ეროვნული კომისიის წევრად დაინიშნა.
ყველას ახსოვს მერობის პერიოდში მისი ულამაზესი მეუღლე, თიკა თინიკაშვილი, რომელიც მასთან ერთად ღონისძიებებს ესწრებოდა. თიკა თინიკაშვილის ოჯახი რუსთავში ცხოვრობდა. ჰყავს უმცროსი და და დედ-მამა. რამდენიმე წელია რაც ერთ-ერთ უნივერსიტეტში ლექციებს კითხულობს.
თბილისის ყოფილი მერის და მისი მეუღლის სიყვარულის ისტორია ივანე ჯავახიშვილის სახელობის სახელმწიფო უნივერსიტეტში დაიწყო. თიკა თინიკაშვილი ეკონომიკის ფაკულტეტზე სწავლობდა. ლექტორს ძალიან მოეწონა თავისი ულამაზესი, 20 წლის სტუდენტი.
მიუხედავად იმისა, რომ თიკას უამრავი თაყვანისმცემელი ჰყავდა, დავით ნარმანიამდე სერიოზული ურთიერთობა არავისთან ჰქონია. წყვილს მალე შეუყვარდა ერთმანეთი. თიკა თინიკაშვილის მშობლებს წინააღმდეგობა არ გაუწევიათ მათი სიყვარულისთვის და ბოლოს მათი ეს გრძნობა ქორწილით დაგვირგვინდა.
დავითს და თიკას ჰყავთ ორი ვაჟი, კოკო და ილია-დენისი და უმცროსი ელენე, რომელიც წყვილს 2015 წელს შეეძინა. ულამაზესი ქალბატონის, თინა თინიკაშვილის ფოტოები გულგრილს არავის დატოვებს. ქერა, ცისფერთვალება, სათნო სახის ქალბატონი ბევრის სიმპატიას იმსახურებს.