ერთ-ერთი ყველაზე ხმაურიანი და ცნობილი ჟურნალისტი ნანუკა ჟორჟოლიანი ბევრი ადამიანის საყვარელ სახედ იქცა. ინდივიდუალიზმი, განსაკუთრებული ხმის ტემბრი და ცხელი წერტილებიდან გაშუქების უნარი ნანუკას დამახასიათებელი ნიშნებია. ცნობილი სახე ბევრს მოგზაურობს და საკუთარ თავთან ჰარმონიას სწორედ მოგზაურობისას განიცდის. გარდა ამისა, მის მიერ მორიგი ქვეყნის აღმოჩენა ახალი ტატუს ინსპირაციას აძლევს.
„რუსთავი 2“-ის გარშემო განვითარებულმა მოვლენებმა ნანუკა და მთელი გუნდი ახალი „მთავარი არხის“ გარშემო გააერთიანა. „რუსთავი 2“-ის ყოფილი ჟურნალისტები და შემოქმედებითი ჯგუფი ახალი გამოწვევის წინაშე იდგნენ. მათ 19 დღეში ახალი არხი დააფუძნეს. სწორედ „რუსთავი 2“-ის დაშლას და ახალი არხის თავიდან შექმნას დაემთხვა ნოდარ მელაძის შვილების დაბადება. „მთავარი არხის“ საინფორმაციოს ხელმძღვანელს ტყუპი გოგონა 26 აგვისტოს შეეძინა. სწორედ თინანო და ნატატო არიან ნანუკა ჟორჟოლიანის ახალი სიყვარული. ასე დააწერა უახლეს ფოტოს ჟურნალისტმა – „ჩემი ახალი სიყვარული“, რომელიც ნატატოსთანაა გადაღებული.
„საოცრებაა, არაამქვეყნიური ენერგია აქვს“ – თბილი სიტყვებით ეხმაურება ნანუკა მეგობრების კომენტარებს. თინანო და ნატატო მელაძეები ნოდარ მელაძის პირველი შვილები არიან. მელაძე და გოგონების დედა თეა ცეცხლაძე ერთად ცხოვრობენ, მაგრამ, როგორც ჩანს, ოფიციალურად დაოჯახებულები არ არიან.
